इटहरी/ नेपाली कमेडियनहरु सवार कार दुर्घटना हुँदा ६ जना घाईते भएका छन् । लोकप्रिय टेलिभिजन रियालिटी शो ‘कमेडी च्याम्पियन’ को टिम चढेको बा-१-०२६ ०३५९ नम्बरको कार बिहिवार बिहानको समयमा दुर्घटना परेको हो । जसमा कमेडी च्याम्पियनका निर्देशक बिशाल भन्डारी पनि रहेका थिए । उनी सामान्य घाईते भएको र हाल हस्पिटलबाट डिस्चार्ज भैसकेका छन् ।
उनीसंगै पुजन अधिकारी पनि डिस्चार्ज भैसकेका छन् भने अन्य ४ जनाको मध्यपुर ठिमी अस्पतालमा उपचार भैरहेको छ । यी ४ जना मध्ये १ जनाको अवस्था गम्भीर रहेको बताईएको छ । हाल उपचाररत सुशान्त बस्याल, रजनीश अर्याल, प्रकृति गिरी र पवन भट्टराई हुन् । टोलि नगरकोटबाट फर्कदै गर्दा भक्तपुरको जगाती नजिकको सडकमा रोकिराखेको ट्रकमा कार अनियन्त्रित भै ठोक्किन पुगेको जिल्ला प्रहरी कार्यालय भक्तपुरका डीएसपी वसन्त पाठकले जानकारी दिए ।
Discussion about this post