इटहरी/ चैत्र ९ गते शुक्रबारबाट चलचित्र ‘महाजात्रा’ रिलिज भइसकेको छ । प्रदीप भट्टराईको लेखन तथा निर्देशन रहेको चलचित्र शुक्रबारबाट देश तथा विदेशमा रिलिज भएको हो । यो चलचित्र हेर्न दर्शक यति आतुर छन् कि बुकिङ खुल्ला भएसंगै विभिन्न ठाउहरुको हलहरुमा हाउसफुल भैसकेको थियो ।यसैक्रममा महाजात्रालाई नेकपा एमालेका अध्यक्ष केपी शर्मा ओलीले सामाजिक सञ्जालमार्फत आफुले पनि हेर्ने बताएका छन् ।
ओलीले प्रशंसा गर्दै भनेका छन् ‘हरिवंश आचार्य मलाई मन पर्ने कलाकार हुनुहुन्छ । आजदेखि उहाँको महाजात्रा चलचित्रको प्रदर्शन सुरु हुने रैछ । अघि सामाजिक सञ्जालमा पोस्टर हेरेँ । यो फिल्ममा पछिल्लो पटक धेरैले प्रशंसा गरेका डाइरेक्टर प्रदीप भट्टराईको कला र अत्यन्तै राम्रो अभिनय भएका अभिनेता विपिन कार्की, रवीन्द्रसिंह बानियाँ, रवीन्द्र झा, राजाराम पौडेल र अभिनेत्री वर्षा राउतको अभिनय एकै पटक हेर्न पाइने रहेछ । समय मिलेमा म पनि हेर्छु’, ।
फिल्मले ३४२ भन्दा धेरै शो पाएको छ । आजदेखि नै नेपाली बसोबास गर्ने विभिन्न ४० देशका २५० भन्दा धेरै सहरमा ‘महाजात्रा’ रिलिज भएको छ भने विभिन्न हलहरुमा धमाधम हाउसफुल हुने क्रम जारि छ ।
फिल्म ‘महाजात्रा’मा आपतकालीन रुपमा आइलाग्ने धन व्यवस्थापन गर्ने अवसर र त्यसले निम्त्याउने चुनौतीलाई रोचक शैलीमा प्रस्तुत गरिएको यो फिल्ममा हरिवंश आचार्य, विपिन कार्की, रविन्द्र सिंह बानियाँ, वर्षा राउत, अर्जुनजंग शाही, प्रकाश घिमिरे, राजाराम पौडेल लगायतको अभिनय छ । फिल्मलाई षट्कोण आर्ट्सको ब्यानरमा म्याक्स दीपेश खत्रीले निर्माण गरेका हुन् ।
Discussion about this post