इटहरी/ बाबु साहेब बलामीको निर्देशनमा बन्ने फिल्म ‘साम्राज्य’ निर्माणको घोषणा गरिएको छ । निर्माण पक्षले शुक्रबार राजधानीमा आयोजित एक कार्यक्रमका बीच फिल्मको औपचारिक निर्माण घोषणा गरेको हो । निर्देशक बलामीले फिल्म नेपाली र हिन्दी गरी दुई भाषामा रिलिज गरिने जानकारी दिए । उनको प्रदर्शनको तयारीमा रहेको फिल्म ‘देववाणी’ पनि दुई भाषामा नै तयार गरिएको छ । हरिबहादुर घलेको छायाङ्कन रहने फिल्ममा शंकर अधिकारी ‘घायल’को गीत हुनेछ ।
निर्माणले पक्षले भारतीय र नेपाली कलाकारलाई लिएर फिल्म निर्माण गर्ने बताएको छ । फिल्मको मुख्य भूमिकामा भोजपुरी नायक कुन्दन भारद्वाज र नेपाली नायिका अनुजा लोप्चा रहने भएका छन् । त्यस्तै, प्रशान्त ताम्राकार खलपात्रमा देखिने भएका छन् ।
फिल्मका निर्देशक बलामीका अनुसार अनुजा इन्टरटेन्मेन्टको ब्यानरमा बन्ने यस फिल्म हिन्दी र नेपाली भाषामा प्रदर्शन गर्ने साथै कलाकार पनि भारतीय र नेपाली बराबर राख्ने योजना रहेको छ । ’कुन्दन र अनुजाले फिल्म ‘देववाणी’मा सहकार्य गरिसकेका छन् । सो फिल्म भारत र नेपालमा एकसाथ प्रदर्शनमा आउँदै छ । यस फिल्मको निर्माता हिराबहादुर लेप्चा र पुर्णिमा लेप्चा रहेका छन् । जेठ २५ गतेबाट फिल्मको छायांकनमा निस्कने निर्माण पक्षको योजना रहेको छ ।
Discussion about this post