एक महिनामा सकियो दया र मिरुनाको `घरज्वाँइ´को छायांकन

इटहरी/ चलचित्र `घरज्वाँइ´को सम्पूर्ण छायांकन एक महिनामा सकिएको छ । गत फागुन ५ गते रुकुममा सुरु भएको सुटिङ आइतबार अर्थात चैत्र ४ गते इन्डक्ल्याप भएको छ । पूर्वी रुकुमको लुगुम, तक्सेरालगायतका रमणीय स्थानमा खिचिएको चलचित्रमा दयाहाङ राई र मिरुना मगर मुख्य भुमिकामा छन । जनक घर्ती मगर निर्माता रहेको चलचित्रको निर्देशक अनिल बुढा मगर हुन भने यो फिल्म `घर ज्वाइँ´ २०८१ सालको असार २८ बाट प्रदर्शनमा आउनेछ ।

यो फिल्मको कथालाई अनिल बुढा मगर, विनोद खतिवडा र सुभाष कोइरालाले लेखेका हुन् । घरज्वाईंलाई जि. एम. मुभिज प्रोडक्सन प्रा.लि.ले निर्माण गरेको हो भने चलचित्रलका सिनेमाटोग्राफर सुसन प्रजापति हुन् ।

चलचित्रको गीतमा शब्द संगीत हर्क साउद र मनोज थापाको रहेको छ । कोरियोग्राफीमा रामजी लामिछाने, कस्ट्युम डिजाइनमा संगीत मगर रहेक छन् । घरज्वाईं फिल्मलाई बितरक आर आर फिल्मस ( रोहित/रत्न ) ले वितरण गर्नेछ भने यस फिल्मको डिजिटल पार्टनर बुढासुब्बा डिजिटल हो । घरज्वाईंको अन्तर्राष्ट्रिय अधिकार एमएसएम इन्टरटेन्मेन्टमले पाएको छ ।

चलचित्र `घरज्वाँइ´मा दयाहाङ राई र मिरुना मगरसंगै बुद्धि तामाङ, पुष्कर गुरुङ, शिशिर बाङ्देल, भोलाराज सापकोटा, राज थापा, कविता आले, शिला आले, अनु थापा, बिना थापा मगर, खडग बहादुर पुन, सोनाम लामा, बिबेश बुढा मगर, सुनिल मगर लगायतको अभिनय रहनेछ ।