पोस्ट प्रोडक्सनमा जुट्यो अनमोल र जसिता अभिनित रोहितको ‘फर्की फर्की’

इटहरी/ ‘छड्के’ पछि अभिनेता अनमोल केसीको प्रमुख भुमिका रहने फिल्म `फर्कि फर्कि´को छायांकन पश्चात् यतिबेला पोस्ट प्रोडक्सनको कार्य सुरु भएको छ । आउँदो २०८१ सालको जेठ १० गते बुद्ध जयन्तीको अवसर पारेर सार्वजनिक प्रदर्शन मिति तय गरेर यतिबेला फिल्म निर्माण युनिटले कामलाई तिब्रता दिइरहेको छ ।

रोहित अधिकारी फिल्मस् प्रा.लि र ओएस आर डिजिटलको ब्यानरमा निर्माण भैरहेको फिल्ममा सुयोग गुरुङको कथा तथा निर्देशन छ । फिल्मको निर्माताको रुपमा रोहित अधिकारी र ओम प्रकाश अग्रवाल हुन् भने मनोज ओली र रामु न्यौपाने सह-निर्माता हुन् । ‘फर्की फर्की’मा अनमोलको जोडिको रुपमा जसिता गुरुङलाई देख्न सकिन्छ ।

यो भन्दा पहिला रोहित अधिकारीले नै २०७३ सालमा निर्माण गरेको फिल्म ‘गाजलु’मा पनि अभिनेता केसी नै प्रमुख भुमिकामा रहेका थिए । रोहितसंग अनमोलको यो दोश्रो सहकार्य हो । अभिनेत्री सृष्टि श्रेष्ठसंग जोडि बाँधिएको ‘गाजलु’ फिल्म राम्रै चलेको थियोे । निर्माताले ‘छ माया छपक्कै’ जस्ता हिट फिल्म पनि निर्माण गरिसकेका छन् । यस्तै रोहितले ‘फर्की फर्की’ संगै ‘वरिष्ठ बलराम’ र ‘छ माया छपक्कै-२’ समेत निर्माणको घोषणा गरिसकेका छन् ।