इटहरी/ षट्कोण आर्ट्सको ब्यानरमा निर्माण गरिएको ‘जात्रा’ शृङ्खलाको तेस्रो भाग अर्थात ‘महाजात्रा’ को टिजरपछि अहिले चलचित्रको ट्रेलर युट्युबमा सार्वजनिक भएको छ । चैत्र ९ गते रिलिज हुने ‘महाजात्रा’को ट्रेलर हेर्दा पैसा पचाउन निकै संघर्ष गर्नु परेको र त्यसले परिवारमा आएको उतारचढावलाई देखाईएको छ । झन्डै चार मिनेट लामो ट्रेलरमा कालो धनलाई लुकाउन खोज्दा आईलाग्ने परिस्थितिलाई रोचक र रमाइलो शैलीमा प्रस्तुत गरिएको छ ।
`जात्रा´को तेस्रो श्रृङखलामा पहिलोपटक देखिएका हरिवंश आचार्य भ्रष्ट नेताका रुपमा चित्रित गरिएको छ । फिल्ममा अन्य कलाकारलाई भने अघिल्लो भागकै चरित्रमा देखाईएको छ । आर्थिक पारदर्शिता र बेरोजगारी जस्तो देशमा रहेको गम्भीर समस्यालाई देखाएको छ । ट्रेलर रिलिज भएसंगै फिल्मको कथावस्तु र चरित्र चित्रणलाई थप प्रकाश पारेको छ । हेर्नुस् ट्रेलर ।
आपत्कालीन रुपमा आइपर्ने पैसा व्यवस्थापन गर्ने अवसर र त्यसले निम्त्याउने समस्यालाई रोचक शैलीमा प्रस्तुत गरिएको ‘महाजात्रा’का लेखक तथा निर्देशक प्रदीप भट्टराई हुन् । फिल्ममा विपिन कार्की, वर्षा राउत रवीन्द्र झा, हरिवंश आचार्य, रवीन्द्रसिंह बानियाँ, प्रवीण खतिवडा, राजाराम पौडेल, अर्जुन जङ्ग शाही, प्रकाश घिमिरे, दिव्य देव, गौमाया गुरुङ, सुमन कार्की, शिशिर बाङ्देल, अरविन खड्का, अभोन राज उप्रेती, कायरा कार्की लगायतको कलाकारको अभिनय छ । नेपालसंगै यो फिल्म ‘महाजात्रा’ विश्वभर एकसाथ प्रदर्शन हुने छ ।
Discussion about this post