इटहरी/ निर्देशक रामबाबु गुरुङ निर्देशित फिल्म ‘डिग्री माईला (एम ए थर्ड क्लास)को ‘सुस्त सुस्त बोलको गित शुक्रवार युट्युवमा सार्वजनिक गरिएको छ । सो गीतलाई फिल्म निर्माण कम्पनि बासुरी फिल्मस् प्रालीको अफिसियल युट्युव च्यानलबाट सार्वजनिक गरिएको हो । युमी बलामीको कोरियोग्राफि रहेको सुस्त सुस्त बोलको गीतमा दयाहाङ राई र आँचल शर्मा मज्जाले खुलेको देखिन्छ । साथै गितमा दुबैको लोभलाग्दो रोमान्स पनि छ ।
सार्वजनिक ‘सुस्त सुस्त’ बोलको गितमा डिल्लु चौलागाईंले शब्द दिएका छन् भने एसडि योगी र बिज्ञानी पराजुलीको स्वर रहेको छ । यो गीत समावेश ‘डिग्री माईला’ फिल्मलाई रामबाबु गुरुङले निर्देशन गरेका हुन् भने बिशाल गुरुङ, मणिराम पोख्रेल, मधु मिजार र सुष्मा गुरुङ निर्माता हुन् । यस्तै कार्यकारी निर्मातामा कृष्ण लामा रहेका छन् । रिकेश गुरुङले संगीत भरेको ‘सुस्त सुस्त’ गीतको भिडियो यस्तो बनेको छ ।
आउँदो २०८१ को नयाँ वर्षमा सार्वजनिक प्रदर्शनको तयारी रहेको ‘डिग्री माईला’ मा दयाहाङ राई, आँचल शर्माको अलावा माओत्से गुरुङ, प्रकाश घिमिरे, विजय बराल, बुद्धि तामाङ, कमलमणि नेपाल, शेखर चापागाई, हिउवाला गौतम, सोमनाथ खनाल, पशुपति राई, लोकेन्द्र लेखक, अनिल सुब्बा, घनश्याम जोशी, शिवाद गुरुङ, भुवन लुहार, क्रिजन महत, कल्याण राई, सुशील तामाङ लगायत कलाकारहरुको अभिनय रहेको छ ।
Discussion about this post