जात्रा, जात्रै जात्रापछी महाजात्रामा पनि पैसाको लफडा, हेर्नुस् टिजर

इटहरी/ आउँदो चैत ९ गतेबाट सार्वजनिक प्रदर्शनमा आउने तयारिमा रहेको फिल्म ‘महाजात्रा’ले आफ्नो प्रचारप्रसारलाई तिब्रता दिइरहेको छ । सामाजिक संजालमा विविध तवरले प्रचारलाई अगाडी बढाईरहेको महाजात्रा युनिटले यतिबेला फिल्मको टिजर सार्वजनिक गरेको छ । यसअघि यो फिल्मको क्यारेक्टर पोस्टरहरुसंगै ‘आहा क्या राम्रो’ बोलको एक गीत सार्वजनिक गरेको थियो ।

‘जात्रा’, ‘जात्रै जात्रा’संगै ‘महाजात्रा’ ले पनि पैसाको कथाले निरन्तरता पाएको छ । सायदै यो सिक्वेल भएर हो । पैसाको खेलको ओरिपरी घुम्ने यो फिल्मको टिजरले सस्पेन्स छोडेको छ । जस्ले गर्दा फिल्म प्रतिक्षित बन्न मद्दत पुगेको छ । यो फिल्म महाजात्रामा प्रदिप भट्टराईको कथा लेखन तथा निर्देशन रहेको छ । हेर्नुस् टिजर ।

षट्कोण आर्ट्सको ब्यानरमा निर्माण गरिएको फिल्मको निर्माताको रुपमा म्याक्स दीपेश खत्री र यज्ञश्वर पौडेल रहेका छन् । ‘महाजात्रा’को कार्यकारी निर्माताको रुपमा रवीन्द्र सिंह बानियाँ रहेका छन् । उनी यो फिल्मको प्रमुख अभिनेता समेत हुन् । पुरुषोत्तम प्रधानले छायांकन गरेको फिल्ममा राजाराम पौडेल, प्रकाश घिमिरे, गौमाया गुरुङ, शिशिर वाङ्देङ, अर्जुन जंग शाही, सुमन कार्की, प्रबिन खतिवडा अर्बिन खड्का, कायरा कार्की लगायतका कलाकारको मुख्य भूमिकामा अभिनय रहेको छ ।