‘ए मेरा बाबैनी’ बोलको गीत सार्वजनिक

इटहरी/आगामी मंसिर २९ गतेबाट प्रदर्शनको तयारीमा रहेको सिनेमा ‘दुई कदम’को तेस्रो गीत ‘ए मेरा बाबैनी’ मंगलबार सार्वजनिक गरिएको छ ।भिडियोमा अभिनेत्री वर्षा सिवाकोटी र डेव्यु अभिनेता इओन लिम्बुलाई फिचर्ड गरिएको छ ।

वर्षा सिनेमाको यही गीतमा मात्रै देखिने छिन् । डेव्यु अभिनेता लिम्बु पहिलो सिनेमामा नै वर्षासँग स्क्रिन सेयर गर्न पाउँदा मख्ख छन् । सार्वजनिक गीतमा आशिष अविरलको संगीत तथा स्वर अनि निरुषा भट्टराईको शब्द रचनासँगै स्वर रहेको छ । कविराज गहतराजे कोरियोग्राफी रहेको गीतलाई सौरभ लामाले खिचेका हुन् । हेर्नुहोस् भिडियो ।

दयाराम घिमिरेको कथा तथा पटकथा लेखन, विक्रम डिसीको छायांकन, ताराप्रकाश लिम्बु र विकास चौधरीको संगीत, डिपी खनालको गीत लेखन, राजु किराँतीको द्वन्द्व निर्देशन, रामजी लामिछानेको कोरियोग्राफी र प्रविन ढकालको सम्पादन सिनेमामा रहेको छ । सिनेमालाई रिच इन्टरटेनमेन्ट र एफडी कम्पनिले वितरण गर्दैछन् ।