इटहरी/ कमेडी च्याम्पियनबाट स्ट्याण्डप कमेडिमा स्थापित हुँदै गरेका कमेडियन हिमेश पन्त पछिल्लो युवा नेताको रुपमा आफुलाई परिचित गराउन लागीपरेका छन् । तर, यतिबेला उनले गाली खाइरहेका छन् । गाली पनि गर्दै गरेको गल्तीमा भेटिरहेका छन् । अर्थात काम बिगार्ने एउटा अनि गाली उनले भेटिरहेका छन् । ३ दिनअघि एक महिलाले आफ्नो फेसबुकमा राती ८ बजेको समयमा लाइभ गर्दै आफू घरेलु हिंसामा परेको बताउछिन् ।
रुदै लाईभ आएको ती महिलाले आफुलाई श्रीमानले जहिले श्रीमानले कुट्ने गरेको बताउछिन् । उनको श्रीमानको नाम हिमेश न्यौपाने रहेछ । पत्रकार समेत रहेका उनलाई सामाजिक संजालमा गाली त आउने नै भयो । यता कमेडियन हिमेश पन्तलाई समेत सो गाली बाडिदा भने तनाब सिर्जना भएको छ । हिमेशलाई फेसबुक म्यासेजमा गालिको ओइरो लागिरहेको छ । उनले केही म्यासेजको स्कृनसट आफ्नो फेसबुक स्टोरिमा राखेका छन् । जहाँ, प्रायः छोरी मान्छेको म्यासेज छ ।
एकजनाले भने हिमेशलाई नराम्रो शब्द प्रयोग गर्दै म्यासेज गरेकी छन् । तर, पछि श्रीमती कुट्ने हिमेश पन्त नभएको थाहा भएपछि फेरि म्यासेज गर्दै माफी मागेको देखिन्छ । हिमेश पन्तले आफुलाई गालीको म्यासेजहरु निरन्तर आउन थालेपछि स्ट्याटस समेत लेख्न बाध्य भएका छन् । उनले आफ्नो बिहे नभएको स्पष्ट पार्दै ‘हिमेश नाम गरेको एकजना पत्रकारले श्रीमती कुटेको भन्ने भिडियो क्लिप बाहिरिएको रहेछ। हिजो देखी मेरो Inbox मा गालीका मेसेजहरु आईरहेका छन्। म स्पष्ट पार्न चाहन्छु कि, पहिलो कुरा त मेरो बिहे नै भएको छैन । दोस्रो कुरा म कुनैपनि घरेलु हिंसालाई समर्थन गर्दिन। धन्यवाद।’ भन्दै लेखेका छन् ।
बुझ्दै नबुझी हतारमा प्रतिक्रिया दिन खोज्दा आफैलाई अप्ठ्यारो पार्छ । थाहै छ नि हामिलाई आकाश तिर फर्केर थुक्दा त्यो थुक आफैमाथी पर्छ । त्यसैले सामाजिक संजालको सहि सदुपयोग गरौ । यस्तै दुरुपयोगको ताजा उदाहरण हो टिकटक । यो बारेमा धेरै बोलिरहनै पर्दैन, सबैलाई थाहा भएकै कुरा हो ।
Discussion about this post