इटहरी/ ओटिटी प्लेटफर्ममा सार्वजनिक गरिने नेपाली सिरिज ‘ब्रह्माण्ड’को छायांकन सुरु भएको छ । आज मंगलबार पोखरा स्थित गुप्तेश्वर महादेव मन्दिरमा शुभ मुहुर्त गर्दै छायांकन प्रारम्भ गरिएको हो । कान्तिपुर फिल्म एकेडेमी, काठमाण्डौ र टोपी स्टुडियोज पोखराको संयुक्त ब्यानरमा निर्माण गरिने यो सिरिज जम्मा ८ घन्टा लामो हुने निर्माण युनिटले जनाएको छ ।
‘ब्रह्माण्ड’ सिरिजलाई रियाज नाटक्कारले लेखन तथा निर्देशन गर्दैछन भने सिरिजको कार्यकारी निर्मातामा सागर राज आचार्य रहेका छन् । सिरिजलाई पुरुषोत्तम प्रधानले छायांकन गर्दैछन् । अर्पण थापा, सुनिल थापा, भोलाराज सापकोटा, राजन खतिवडा, सरीता गिरी, माओत्से गुरुङ्ग, सुरज विष्ट, सुप्रज्ञा शर्मा, सञ्जय ढुंगानाको अभिनय रहने सिरिजलाई अन्तराष्ट्रिय मापदण्ड अनुसार बनाईने निर्माण युनिटको भनाई छ । सिरीजको पहिलो सिजन ८ एपीसोडको हुनेछ ।
Discussion about this post