इटहरी/ अमेरिका बोस्टन निवासी गीतकार साहित्यकार तथा चलचित्र निर्मात्री अनु शाहले निर्माण गरेको फिल्म ‘उफ यो मन’ सेन्सर पास भएको छ । सेन्सरमा फिल्मले केन्द्रीय जाँस पास समिति (सेन्सर बोर्ड) बाट युनिभर्सस सर्टिफिकेट पाएको छ । यसको अर्थ यो सिनेमा सबै उमेर समूहले हेर्न पाउनेछन् ।
उत्कृष्ट बनेको भन्दै सेन्सर सदस्यहरुले फिल्मको तारिफ गरेका छन् । ‘सेन्सर पदाधिकारीले हाम्रो फिल्मलाई मायाप्रेमको कथामा उत्कृष्ट फिल्म निर्माण गर्नुभएको रहेछ भनेर तारिफ गर्नुभयो’, निर्माता अनु शाहले भनिन् ।
फिल्मलाई पहिले अमेरिकाबाट प्रदर्शन सुरु गरिनेछ भने त्यसपछि नेपाल लगायत विश्वभर प्रदर्शन गरिने अनु शाह बताउछिन् । अनुराधा फिल्म्स इन्टरनेसनलको निर्माण रहेको फिल्मलाई निर्देशक सुरज चन्दले निर्देशन गरेका छन् भने फिल्ममा एसराज गराच, रोहित रुम्बा, यमी दाहाल, समित गिरि, दिपक क्षेत्रि, पुकार गुरुङको अभिनय छ ।
Discussion about this post