आजबाट हामी : डिथ्री अनलाइनबाट मनोरञ्जन खबरका लागी परिकला न्युज भएका छौ

इटहरी/ पछिल्लोसमय नेपालका हरेक क्षेत्रमा डिजिटलाईजको अभ्यास भैरहेको देख्न सकिन्छ । यता मिडियालाई हेर्ने हो भने त रेडियो, पत्रपत्रिका तथा टेलिभिजन भन्दा डिजिटल मिडिया ‘अनलाइन न्युज पोर्टल’ को वर्चस्व रहेको छ । यस्तैमा मनोरञ्जन खबर प्रवाह गर्ने मिडियाहरुको लहर पनि राम्रै छ । देशको केन्द्र काठमाडौ मात्रै नभएर त्यहाँ भन्दा बाहिर रहेर पनि मनोरञ्जन खबर प्रवाह गर्ने मिडिया संचालित भैरहेका छन् । यस्तैमा ४ वर्षअघिबाट कोशी प्रदेशको मुटु इटहरीमा प्रधान कार्यालय स्थापना गरि www.dthreeonline.com नामक मनोरञ्जन क्षेत्रका गतिविधिलाई मात्रै समाचार बनाउने हामी आज अर्थात २०८० को बैशाख १ गतेबाट परिवर्तित भएका छौ ।

काठमाडौ बाहिर यो बिटमा मात्रै मिडिया संचालन गर्न सकिँदैन भन्ने मानसिकतालाई हामिले परिवर्तित गर्न खोजिरहेका छौ । कार्यालय तथा स्टुडियो नै स्थापना गरेर त्यहीबाट मनोरञ्जनको खबर प्रवाह गर्ने हेतुले ४ वर्षअघिबाट सुरुभएको डिथ्री अनलाइन परिवर्तित भई आजबाट www.parikalanews.com भएका छौ । बितेका ४ वर्षको अवधिमा हाम्रा पाठक तथा रंग क्षेत्रका ब्यक्तित्वहरुबाट पाएको मायाले हामी मनैदेखी खुशी छौ । अबको परिकला न्युजको यात्रामा पनि तपाईहरुको यस्तै साथ, माया र सल्लाह सुझाव निरन्तर पाईरहनेमा विश्वस्त छौ । हामिलाई हाम्रो न्युज पोर्टलसंगै सामाजिक संजाल फेसबुक, टिकटक, युट्युब, इन्स्टाग्राम तथा ट्विटरमा ‘parikalanews’ सर्च गर्दा भेट्न सकिनेछ ।

डिथ्री अनलाइनको यात्रामा न्युज पोर्टलको नाम उच्चारणमा समस्या देखिएपछी हामिले हाम्रो कम्पनी “परिकला मिडिया प्रालि”को नामबाटै न्युज पोर्टल संचालन गर्ने निचोड सहित परिकला न्युज डटकमको यात्रा थालनी गरेका हौ । अनलाइन न्युज पोर्टल संग-संगै हामिले अब आफ्नै स्टुडियोबाट रंग गतिविधिका कार्यक्रम तथा रंग क्षेत्रका कलाकारहरुसंगको अन्तर्वार्तासहितको कार्यक्रम पनि हाम्रो युट्युब संस्करण अन्तर्गत ल्याउने तयारिमा छौ । हामी संग-संगै रहनुहोला । अन्त्यमा, सम्पुर्ण चलचित्रकर्मी, रंगकर्मी, संगीतकर्मी, कलाकर्मी, संचारकर्मी, हाम्रा पाठकवर्ग तथा तमाम नेपालिहरुमा नयाँ वर्ष २०८० सालको शुभकामना । – परिकला न्युज परिवार ।