इटहरी/नेपाली फिल्म बजारमा व्यापारिक रुपमा सफलताको ह्याट्रिक गरेपछि दया र मिरुनाको माग यस्तो छ कि, अब उनीहरुले अभिनय गरेका फिल्म समेत एउटै मितिमा जुध्न थालेका छन् । तर, दया र मिरुनाले नै अभिनय गरेका फिल्म एउटै मितिमा जुध्नु आफैमा दुखलाग्दोकुरा हो ।
दया र मिरुनाको साथमा अर्पण थापाको मुख्य भूमिका रहेको फिल्म ‘रंगेली’को फागुण २५ लाई प्रदर्शन मिति तय गरेर छायांकन सुरु गरेको हो भने, फिल्मको छायांकन अझै पनि जारी छ । सरोज न्यौपानेको निर्माणमा तयार हुन लागेको ‘लोकल हिरो’ फिल्ममा पनि दया र मिरुनाले नै काम गर्दैछन् ।
मंगलबार मात्र निर्माणको इजाजत पाएको यस फिल्मले तिहार लगतै छायांकनमा जाने र फागुण २५गते महाशिवरात्रीको अवसरमा रिलिज गर्ने घोषणा निर्माता न्यौपानेले गरिसकेका छन् । यदि,निर्माताले मिलेर सहमति गरेनन् भने फागुणको २५ गते नायक दयाहाङ राई र नायिका मिरुना मगर अभिनित २ फिल्म रिलिज हुने पक्का भएको छ ।
Discussion about this post