इटहरी/ नायिका रेखा थापाको निर्माण रहेको फिल्म ‘उपहार’को प्रदर्शन मिति यसै वर्षको माघ २६ लाई तय गरिएको छ । किरण नेपालीको प्रस्तुतिमा तयार भएको फिल्म ‘हात्तीछाप’ ले यसअघि नै पोस्टर जारी गरेर माघ २६ लाई प्रदर्शन मिति तय गरि सकेको थियो । अब यो फिल्म ‘हात्तीछाप’सँग भिड्ने भएको छ ।
फिल्म ‘उपहार’ लाई नयाँ वर्षमा सार्वजनिक गर्ने भनिएता पनि अर्को फिल्म ‘डिग्री माइलाः एम ए थर्ड क्लास’ रिलिज गर्ने भएपछि यस फिल्मको रिलिज मिति अघि सारिएको हो । प्राय: नेपालि फिल्म नेपालि फिल्मको जुधाई भैरहेको हुन्छ । यता रेखाले भने नजुधउन खोजेपनि जुध्न बाध्य भएकी छन् । दयाहांग राइ र आँचल शर्माको डिग्री माईला संग भागेपनि दयाहांग, उपासना र सौगात मल्ल लगायतको अभिनय रहेको फिल्म ‘हात्तीछाप’ संग जुध्न आइपुगेको हो ।
उपहारमा पूजा शर्मा र बेनिशा हमाल तथा फिल्म निर्माता रेखा थापा आफै पनि मुख्य भूमिकामा देखिएकि छन् । यस्तै फिल्ममा मुकुन भुषाल, तेज गिरी र समर्पण थापाको समेत मुख्य भूमिकामा अभिनय रहेको छ । ज्ञानेन्द्र देउजाको निर्देशनमा तयार भइरहेको ‘उपहार’ले ३ महिला पात्रको कथालाई प्रस्तुत गरेको छ ।
Discussion about this post