इटहरी/ टिकटकबाट चर्चामा आएको अन्तर्देशीय जोडि आयुष शिह ठकुरी र अलिजेह जमालीले इन्गेजमेन्ट गरेका छ । दुबै अलग अलग धर्मका हुन् । नेपालका आयुष हिन्दु धर्म मान्छन भने अलिजेह पाकिस्तानी नागरिक हुन् । उनी मुस्लिम धर्म मान्छिन् । अन्ततः यी २ लाई न देशले छेक्यो न त धर्मले नै । दुबैको परिवारको आपसी समझदारीमा दुबईमा इन्गेजमेन्ट गरेका हुन् । यतिबेला यो जोडि समाज परिवर्तन र रुपान्तरणको उदाहरणीय जोडिको रुपमा देखिएको छ ।
शुक्रवार इन्गेजमेन्ट गरेका यी अन्तर्देशीय फरक फरक धर्मका जोडिले बेलुका इन्गेजमेन्टकै पहिरनमा टिकटक लाईभ बसेका थिए । ठूलो परिश्रमका साथ एकअर्काको हुन सफल भएको भन्दै आयुष र अलिजेले खुशी साटेका छन् । नेपालको बुहारी बनेकी अलिजेले नेपालको र पाकिस्तान ससुराली बनाएका आयुषले पाकिस्तानको झण्डा बोक्दै फोटो खिचाएका छन् । विवाहको फाइनल मिति भने तय भैसकेको छैन् । तर, विवाह गर्दा नेपालमै नेपाली परम्परा अनुसार गर्ने बताएका छन् ।
टिकटक लाइभमा आफ्ना विगत सम्झदै रोएका थिए । यी २ ले २ महिनाअघि एक म्युजिक भिडियोमा पनि अभिनय गरेका थिए । आफुहरुको रियल प्रेम प्रकट गरेको देखिने सो भिडियोलाई ४४ लाखभन्दा बढी पटक हेरिएको छ । इन्गेजमेन्टकै लागी भनेर आयुष केहिदिन अघि दुबई पुगेका थिए । बुर्का लगाएर टिकटकमा प्रस्तुत हुने अलिजेहले इन्गेजमेन्टमा पनि बुर्का लगाएकी छन् । अर्थात उनले अहिलेसम्म कहिँ कतै भिडियोमा अनुहार खुल्ला रुपमा देखिएकी छैनन् । टिकटकमा यतिबेला यी २ ले इन्गेजमेन्टका क्लिपहरु हालेपछि बधाई दिनेहरुको ओइरो लागिरहेको छ भने सो क्लिपहरु भाइरल भैरहेको छ ।
Discussion about this post