बैशाख १ देखि प्रदर्शन हुने फिल्म ‘बिहे पास’ को शीर्ष गीत सार्वजनीक

इटहरी/ प्रदर्शनको संघारमा रहेको प्रतिक्षित फिल्म ‘बिहे पास’ को शीर्ष गीत ‘मायाको बिहे पास’ शुक्रबार सार्वजनीक गरिएको छ । प्रताप दासको स्वर, बिष्णु भण्डारीको शब्द र सरोज पोखरेलको संगीत रहेको गीत बुढासुब्बा डिजिटलमार्फत दर्शकमाझ ल्याइएको हो । फिल्मको मुख्य बिषय र भाव प्रस्तुत गरिएको गीतमा दयाहाङ राई र प्रकृति श्रेष्ठलगायतका अधिकांश कलाकारलाई देख्न सकिन्छ । गीतको सम्पादन र भिएफएक्स समीर मियााले गरेका छन् । सेन्सर बोर्डबाट युनीभर्सल सर्टिफिकेट प्राप्त फिल्मलाई प्रबेश पौडेलले निर्देशन गरेका हुन् भने प्रस्तुतकर्तामा रोहित कटेल र कार्यकारी निर्मातामा रत्न श्रेष्ठ छन् । शिब ढकालले खिचेको फिल्मलाई मित्र देव गुरुङले सम्पादन गरेका छन् । हेर्नुस भिडियो ।

रामजी लामीछानेको कोरियोग्राफी रहेको फिल्मको कथा मर्रे केर,आकाश बराल र सजन काफ्लले लेखेका छन् । फिल्मको निर्मातामा रोजन श्रेष्ठ तथा सहनिर्मातामा ग्याल्जेन लामा र बालकृष्ण पाख्रिन छन् । फर्स्टलुक पोस्टर र टिजरबाटै दर्शकको चासो र प्रतिक्षामा रहन सफल फिल्ममा दयाहाङ र प्रकृतिका साथमा श्याम राई, बिशाल पहाडी, बुद्धि तामाङ, सुवास गजुरेल, हिउवाला गौतम, रुषा न्यौपाने, नवीन शेरचन, उमा बानिया र प्रकाश भूजेलले अभिनय गरेका छन् । नेपालका बिभिन्न स्थलमा खिचिएको फिल्मको यसअघि सार्वजनीक रोमान्टिक गीत ‘खाली छैन’ ले दर्शकको मन जितिसकेको छ । आरआर फिल्म प्रोडक्शनले निर्माण गरेको फिल्मको बितरण पनि आरआर फिल्मले नै गरेको छ ।