इटहरी/ बिजेतालाई नेपालको सबैभन्दा धेरै धनराशि १ / १ करोड पुरस्कार भएको टेलिभिजन गायन तथा डान्स रियालिटी शो मेरो भ्वाइस युनिभर्स र मेरो डान्स युनिभर्स भर्खरै सम्पन्न भएको छ । समाजसेवामा तल्लीन संस्था इन्ट्रा नेसनल वेलफेयर एण्ड सपोर्ट फाउन्डेसन अफ अमेरिकाको आयोजनामा भएको उक्त रियालिटी शोबाट उठेको केही रकम समाजसेवामा खर्च गरिने भएको छ ।
दमकको बेलडाँगीमा अवस्थित शरणार्थी शिविरमा बोल्दै अभिनेता तथा इन्ट्राका नेपाल अध्यक्ष दिलिप रायमाझीले भोटिङबाट उठेको उक्त रकम दमक र पथरीमा रहेको शरणार्थी शिविरमा स्वास्थ चौकी बनाउन डोनेसन गरिने बताए । हेर्नुस् उनले बोलेको भिडियो ।
उक्त मेरो डान्स र मेरो भ्वाइस युनिभर्समा स-शुल्क भोटिङको व्यवस्था गरिएको थियो । जहाँबाट राम्रो पैसा उठेको रायमाझीले बताए । कार्यक्रममा उनले इन्ट्राका संस्थापक अध्यक्ष डिल्ली अधिकारीलाई धन्यवाद दिँदै डिल्ली अधिकारी जहिले पनि अभाव खोज्दै हिड्ने र सहयोग गर्ने मान्छे रहेको बताए । २ ठाउँमा स्वस्थ्य चौकी निर्माण गर्न झण्डै ३० देखी ४० लाख लागत लाग्ने बताइएको छ । इन्ट्राले सम्बन्धित नगरपालिकाहरुसंग समन्वय गरेर केहिदिन अघि स्वास्थ्यचौकी शिलान्यास सम्पन्न गरेको छ ।
Discussion about this post