इटहरी/ अगामी भाद्र २९ गतेबाट प्रदर्शनको तयारीमा रहेको फिल्म ‘एक भगवत् गीता’को पोस्टर सार्वजनीक गरिएको छ । सार्वजनिक तीन पोस्टरमा अभिनेत विपिन कार्की, सुहाना थापा, धिरज मगर र बालकलाकारलाई देख्न सकिन्छ । शुक्रबार सार्वजनिक फिल्मको ‘क्यारेक्टर लुक्स’ पोस्टरमा धिरज र सुहाना रोमान्टिक अवतारमा प्रस्तुत छन् । पोस्टरमा धिरज गुरुङ पहिरनमा चित्रित छन् । यसबाट उनको चरित्र गुरुङ समुदायको रहेको बुझ्न सकिन्छ । सुहानाको लुक्स र गेटअपले भने मधेशी समुदायको झल्को दिन्छ ।
त्यस्तै, पोस्टरमा विपिन कार्की ट्रान्सजेन्डर लुक्समा प्रस्तुत छन् । अन्तरजातीय प्रेमकथामा आधारित रहेको फिल्ममा कबीर खड्का, जेविस र जेविन श्रेष्ठ, संजोग रसाइली, मुकेश झा, अनुराग कुँवर, राम कैलाश ठाकुर, धिरज ठाकुरको पनि अभिनय छ । सुनिल कुमार थापाको निर्माण रहेको फिल्मको कथा निर्देशक झरना थापा स्वयंको हो । झरनासँगै सरिन पोखरेल, परिक्षेद सेन, पुरुषोत्तम ढंगेल र कृष्णको पटकथा रहेको फिल्ममा परिक्षेद र पुरुषोत्तमले संवाद लेखेका छन् ।
सुहाना इन्टरटेनमेन्ट र सुनिल कुमार थापा प्रोडक्सनको व्यानरमा निर्माण भएको फिल्ममा राजेश श्रेष्ठको छायांकन, मित्र डि गुरुङको सम्पादन, हिमाल केसीको द्वन्द्व, कविराज गहतराजको कोरियोग्राफी तथा शैलेश श्रेष्ठको ब्याकग्राउण्ड स्कोर, हर्कुलस बस्नेत, आशिष अविरल र प्रवेश मल्लिकको संगीत रहेको छ । झरना थापाले निर्देशन गरेको फिल्मको छायांकन सुरु हुँदा नाम ‘भगवत् गीता’ मात्र राखिएको थियो । पछि मात्रै नामको अगाडी ‘एक’ थपेर केही समय अघि फिल्मको टिजर सार्वजनिक गरिएको थियो ।
टिजर सार्वजनीक अभिनेता विपिन कार्कीको ट्रान्सजेन्डर लुक्स चर्चाको शिखरमा छ । फिल्मको टिजर सार्वजनीक भएपछि उनको कमलामाई अवतारले फिल्म बजरमा एकखालको तरंग ल्याएको छ । फिल्मको प्रचारको आरम्भ पोस्टरबाट गरिएको निर्माता सुनिल कुमार थापाले बताए । झरना निर्देशित ‘ए मेरो हजुर’का तीनवटै सिरिज सफल छन् । यो उनको चौंथो निर्देशकिय फिल्म हो । फिल्मलाई काठमाडौं उपत्यकामा गोविन्द शाहीको काफिया फिल्मस् र काठमाडौं बाहिर केदार पराजुलीको श्री कृष्ण फिल्मस्ले वितरण गर्दैछन् ।
Discussion about this post