मगर सांस्कृतिको कथा बोल्ने फिल्म ‘घर ज्वाईं’मा दयाहाङ राई र मिरुना मगर अनुबन्ध

इटहरी/ कबड्डि ४ र जारी फिल्मपछी हटकेक जोडिको रुपमा परिचीत दयाहाङ राई र मिरुना मगरको जोडिलाई आफ्नो फिल्ममा लिन यतिबेला तछाडमछाड गरिरहेको अवस्था छ । यस्तैमा यो जोडि पुनः एक फिल्ममा फाइनल भएका छन् । दयाहाङ र मिरुनाको जोडि अनिल बुढा मगरको निर्देशनमा बन्ने नयाँ फिल्म ‘घर ज्वाईं’ मा अनुबन्धित भएका हुन् । जिएम मुभी प्रोडक्शनको ब्यानरमा निर्माण हुने ‘घर ज्वाईं’ फिल्मले मगर सांस्कृतिको कथालाई उठान गर्ने बताईएको छ ।

फिल्मका लागी दयालाई निर्माण युनिटले केहिअघि नै फाईनल गरेका थिए भने मिरुनासंग भने यसै साता मात्रै कागजी सम्झौता भएको हो । दया र मिरुनासंगै संगै ‘घर ज्वाईं’मा बुद्धि तामाङ, शिसिर वाङ्देल, पुस्कर गुरुङ, राज थापा काउचालगायतका कलाकारहरु पनि फाइनल भएका छन् ।

यो संगै फिल्मका लागी कलाकार पुर्ण भएको छ । यो फिल्म ‘घर ज्वाईं’ को निर्माता जनक घर्ती मगर हुन् भने आउँदो माघ दोश्रो साताबाट पूर्वी रुकुमका बिभिन्न स्थानमा छायांकन छायांकन सुरु हुनेछ । आर आर फिल्म्सका रोहित कट्टेल र रत्न श्रेष्ठले देशब्यापीरुपमा वितरण गर्ने फिल्मको कथा निर्देशक मगर स्वयम्को हो भने पटकथा र सम्वाद लेखनमा उनलाई सुवास कोइराला र बिनोद खतिवडाले साथ दिएका छन् ।