इटहरी/ नेपालको फिल्म उद्योगमा नयाँ प्रयोगको रूपमा आउने तयारीमा रहेको प्रदीप खड्का अभिनीत ‘एक्लो’ ले आफ्नो टिजर सार्वजनीक गरेको छ । आगामी पुस १७ गतेदेखि प्रदर्शनमा आउने तयारीमा रहेको यो साइन्स-फिक्सन र ड्रामा शैलीमा बनेको फिल्म नेपाल र बेलायतको संयुक्त टीमको सहकार्यमा तयार भएको हो । यो फिल्मले भविष्यको काल्पनिक संसार र रहस्यमय पात्रबीचको कथा प्रस्तुत गर्छ ।
सार्वजनिक टिजरमा सन् २०३० सम्म एक खतरनाक भाइरसका कारण मानवले पृथ्वी छाडेको भविष्य देखाइन्छ । त्यसपछि ६० वर्षपछि बेलायती अन्तरिक्ष यात्री ज्याक (जेमी बेकन) हिमालय क्षेत्रमा क्रास-ल्यान्डिङ गर्छन् र खोजीक्रममा उनीहरूले गुफाभित्र लुकेको सहर र त्यसका संरक्षक (प्रदीप खड्का) सँग भेट गर्छन् । हेर्नुस् टिजर ।
फिल्मको छायांकन मुस्ताङ र काभ्रे लगायतका ठाउँहरुमा छायाङकन गरिएको हो । फिल्ममा प्रदीप खड्का सँगै दीया पुन, विजय लामा, कविता नेपाली, बेनिशा हमाल र जेमी बेकन पनि मुख्य भूमिकामा छन् । यो फिल्म यसवर्षको कान्स मार्केटमा छनोट भएर अन्तराष्ट्रिय क्षेत्रमा समेत चर्चा कमाइसकेको छ ।
@parikalanewsofficial
Discussion about this post