इटहरी/ नेपाली बक्स अफिसमा ब्लकबस्टर साबित पहिलो भागको सफलतापछि रिलिजको तयारीमा रहेको फिल्म ‘जारी-२’को नयाँ गीत ‘अम्लारी’ सार्वजनिक भएको छ । उपेन्द्र सुब्बा लेखन र निर्देशनमा रहेका यस फिल्मलाई रामबाबु गुरुङ, मधु मिजार र जीवन गुरुङले निर्माण गरेका हुन् ।
फिल्ममा दयाहाङ राई, मिरुना मगर र विजय बराल मुख्य भूमिकामा छन् । त्यसका अलावा फिल्ममा बुद्धि तामाङ, ऋचा शर्मा, पुष्कर गुरुङ, प्रेम सुब्बा, माओत्से गुरुङ, मानहाङ लावती, विष्णु मोक्तान, कमलमणि नेपाल, अनिल सुब्बा, रेखा लिम्बु, बेदना राई र सिर्जना निङ्लेखुको अभिनय समावेश गरिएको छ । हेर्नुस् भिडियो ।
@parikalanewsofficial
बाँसुरी फिल्म्स र कबड्डी फिल्म्सको ब्यानरमा निर्माण गरिएको यो फिल्म यस वर्षको व्यापारिक हिट फिल्मको सूचीमा राखिएको छ । स्मरणीय कुरा, पहिलो भाग ‘जारी’ २०८० सालमा रिलिज भएर १७ करोडभन्दा बढी व्यापार गर्दै नेपाली फिल्म जगतमा ब्लकबस्टर बनेको थियो । यसैले दोस्रो भागबाट पनि ठूलो व्यापारिक सफलता अपेक्षित गरिएको छ ।
@parikalanewsofficial
Discussion about this post