इटहरी/ बेलायतमा छायांकन भइरहेको नेपाली फिल्म ‘सुम्निमा’बाट अभिनेत्री उपासना सिंह ठकुरी बाहिरिएकी छिन् । छायांकनका लागि नै बेलायत पुगेकी उपासनाले निर्माण टिमसँगको असमझदारीका कारण आपसी सहमतिमा प्रोजेक्ट छाडेको बुझिएको छ ।
फिल्म ‘सुम्निमा’मा अनुप विक्रम शाही, अंकित पाख्रिन लामा र कुन्साङ बोमजोमजस्ता कलाकारको मुख्य भूमिका रहेको छ । उपासनाले प्रोजेक्ट छाडेपनि फिल्मको छायांकन भने रोकिएको छैन । निर्माण टिमले नयाँ अभिनेत्री भित्र्याउने तयारी गरिरहेको र उनी आगामी हप्तादेखि नै बेलायतमा सुटिङ सेटमा सहभागी हुने बताइएको छ ।
मिलन चाम्सको निर्देशनमा बन्ने यो प्रेमकथामा आधारित फिल्म गोर्खा फिल्म्स र चाम्स इन्टरटेन्मेन्टको संयुक्त लगानीमा निर्माण भइरहेको हो । तर निर्देशक चाम्सले भने यस विषयमा कुनै औपचारिक टिप्पणी गरेका छैनन् ।
@parikalanewsofficial
Discussion about this post