फिल्म ‘जादौ’ बाट साम्राज्ञी बाहिरिएपछि उनको ठाउँमा नीति शाहको इन्ट्री

इटहरी/ फिल्म ‘जदौ’ले मुख्य अभिनेत्रीमा अन्ततः नीति शाहलाई चयन गरेको छ । अभिनेत्री साम्राज्ञी राज्यलक्ष्मी शाहले प्रोजेक्ट छाडेपछि उनलाई अनुबन्ध गरिएको हो । शनिबार काठमाण्डौंमा नीति र निर्माण पक्षबीच औपचारिक सम्झौतासँगै उनी अब यो प्रेमकथानक फिल्मको प्रमुख भूमिकामा देखिने निश्चित भएको हो ।

अन्तरजातीय प्रेमको कथामा आधारित ‘जदौ’मा यसअघि नै मुकुन भुसाल अनुबन्धित भइसकेका छन् । काजी लिम्बूको लेखन रहेको फिल्मलाई सिल्भर स्क्रिन इन्टरटेन्मेन्ट र समिश्रण मुभिज एण्ड इन्टरटेन्मेन्टले संयुक्त रूपमा निर्माण गर्नेछन् । फिल्मको सहनिर्मातामा रामराजा सुवेदी, ओम चेम्जोङ, शान्ता तामाङ र नारायण शास्त्री छन् भने निर्माण व्यवस्थापन बुद्धि माझी रहेका छन् ।

@parikalanewsofficial

भदौको पहिलो साताबाट छायांकन सुरु हुने तयारीमा रहेको फिल्म मुख्यतः दाङ र प्युठानका विभिन्न स्थानमा खिचिनेछ । संगीत बाबुल गिरीको रहनेछ भने प्युठानतर्फको व्यवस्थापन लछुमन भण्डारीको जिम्मामा हुनेछ । निर्मात्री बिमला भण्डारीका अनुसार ‘जदौ’को निर्देशन तथा बाँकी कलाकार र प्राविधिक टोलीको नाम केही दिनमै सार्वजनिक गरिनेछ ।