प्राइम भिडियोमा फिल्म ‘चित्रा’, ४३ भाषामा सबटाइटल

इटहरी/ नेपाली फिल्म ‘चित्रा’ ले अब नयाँ कीर्तिमान बनाएको छ यो फिल्म अमेजन प्राइम भिडियोमार्फत विश्वभरका दर्शकले हेर्न पाउने भएका छन्। निर्देशक घनश्याम लामिछानेको निर्देशनमा बनेको यो भावनात्मक पारिवारिक कथानक सिनेमा अब २ सयभन्दा बढी देशहरूमा उपलब्ध भएको छ, त्यो पनि हिन्दी डब संस्करणसहित ४३ विभिन्न भाषामा सबटाइटलसहित।

नेपालमा वि.सं. २०८० सालको पुष २७ गते प्रदर्शनमा आएको यो फिल्म अब कुनै भूगोलको सीमामा बाँधिएको छैन। अमेजन प्राइम सदस्यता भएका दर्शकले जुनसुकै देशबाट पनि यो नेपाली कथा आफ्नो स्क्रिनमा हेर्न सक्नेछन्।निर्माण पक्षका अनुसार ‘चित्रा’ अमेजन प्राइममा ग्लोबल रूपमा रिलिज हुने पहिलो नेपाली फिल्म बनेको छ। यसअघि पनि केही नेपाली फिल्महरू अमेजन प्राइममा आएका थिए, तर तिनीहरू युके, युएसए लगायत सीमित क्षेत्रभित्र मात्र थिए। ‘चित्रा’ ले भने पहिलो पटक विश्वव्यापी स्तरमा नेपाली फिल्मको पहुँच बनाएको हो।निर्देशक घनश्याम लामिछाने भन्छन्, “यो फिल्मको सफलता केवल हाम्रो टीमका लागि मात्र होइन, समग्र नेपाली फिल्म उद्योगका लागि प्रेरणाको स्रोत बन्न सक्छ। ‘चित्रा’ ले संसारभरिका दर्शकसमक्ष नेपाली कथा र भावनालाई पुर्‍याएको छ यो सुरुवात मात्रै हो।”

फिल्मको कथा एक रिटायर्ड बाबु र छोरीबीचको संवेदनशील सम्बन्ध वरिपरि घुम्छ, जसमा भावनात्मक द्वन्द्व, पारिवारिक प्रेम र सामाजिक यथार्थ मिसिएको छ। कथाले नेपाली परिवारभित्रको न्यानोपन र चुनौतीलाई विश्वव्यापी दर्शकमाझ पुर्‍याउने प्रयास गरेको छ।फिल्ममा सन्तोष अधिकारी, मेनुका प्रधान, शुभेच्छा खड्का, अर्पण थापा, प्रमोद अग्रहरी, अन्जना बराइली, सिम्रन खड्का, आयुशी ढकाल लगायतका अनुभवी तथा नयाँ पुस्ताका कलाकारहरूको दमदार अभिनय देख्न सकिन्छ।

सन्तोष अधिकारी फिल्म्सको ब्यानरमा निर्माण भएको अस्याप इन्टरटेनमेन्ट नेपाल र अस्ट्रेलियाले सहनिर्माण गरेका हुन्।कथालेखन अजय अधिकारीले गरेका हुन् भने पटकथा मनिष गौतमको रहेको छ। महेश पौडेलको छायांकन र बनिश शाह तथा सन्देश शाहको सम्पादनले फिल्मलाई दृश्य र भावनात्मक रूपमा सशक्त बनाएको छ।

@parikalanewsofficial

हालसम्म उनले १०० भन्दा बढी नेपाली