इटहरी/ डान्स, रोमान्स र थ्रिलले भरिएको नयाँ नेपाली फिल्म ‘रङ डेस्टिनेशन २’ को पहिलो गीत ‘ब्रेक डान्स’ सार्वजनिक भएको छ । डान्सिङ फेभरमा तयार पारिएको यस गीतमार्फत फिल्मले दर्शकलाई आकर्षित गर्ने प्रयास गरेको छ । आयशा तामाङ र किरण श्रेष्ठको जीवन्त प्रस्तुति रहेको भिडियोमा कल्चरल ड्रेस र कोरसको मिश्रणले थप रंगीनता थपेको छ । गीतमा समिक्षा अधिकारी र ओम सुनारको स्वर सुन्न सकिन्छ, जहाँ संगीत पनि गायक सुनारले नै दिएका छन् ।
शब्द मुना शाहले लेखेकी हुन् भने रोशनी थापा मगरको कोरियोग्राफीले भिडियोलाई झनै जीवन्त बनाएको छ । निर्देशक सिमा गुरुङको निर्देशनमा बनेको फिल्म ‘रङ डेस्टिनेशन २’ हरर र थ्रिलर शैलीमा आधारित छ । फुलमुन मोसन पिक्चर्स प्रा.लि.को ब्यानरमा निर्माण भएको यो फिल्ममा किरण श्रेष्ठ, आयशा तामाङ, कालु राणा, आकी थेक्पा, सुगन तन्दुकर, उज्वल, सञ्जय थापा, सकल रेग्मी लगायतका कलाकारहरूको अभिनय छ । फिल्मका कार्यकारी निर्माता सुगन तन्दुकर हुन् भने निर्माता समाइरा तन्दुकार र शर्मिला लामा रहेका छन् । हेर्नुस भिडियो
सञ्जय थापाको द्वन्द्व निर्देशन, रणधीर श्रेष्ठको छायांकन र बनिश शाहको सम्पादन रहेको यस फिल्मको छायांकन मुस्ताङका विविध रमणीय स्थानहरूमा गरिएको हो । निर्देशक गुरुङले जानकारी दिएअनुसार, फिल्मले विदेशका विविध फेस्टिभलहरूमा सहभागी भइसकेपछि मात्र नेपालमा प्रदर्शन गर्ने योजना बनाइएको छ । प्रदर्शन मिति भने औपचारिक रूपमा सार्वजनिक गरिएको छैन ।
@parikalanewsofficial
Discussion about this post