इटहरी/ इटहरीमा आयोजना भइरहेको ‘मिस एसईई इटहरी २०२५’ को पाँचौं संस्करणको ग्रान्ड फिनाले कार्यक्रम भोलि ३१ गते शनिबार सम्पन्न हुने भएको छ । साँझ ६ बजेदेखि इटहरी लायन्स क्लब भवनमा सुरु हुने यो भव्य समारोहमा २००५ की मिस नेपाल सुगरिका केसी प्रमुख आकर्षणको रूपमा रहने आयोजक संस्था ओपन स्पेसका सञ्चालक तथा उक्त कार्यक्रम निर्देशक सरोज श्रेष्ठले जानकारी गराए ।
प्रतियोगिताको प्रमुख अतिथिका रूपमा उद्योग, कृषि तथा सहकारी मन्त्री खगेन सिंह हाङबाङ उपस्थित रहने निर्देशक श्रेष्ठले बताए । एसईई दिएर बसेका किशोरीहरूको सौन्दर्य, आत्मविश्वास र बौद्धिक प्रतिभा उजागर गर्ने थलोको रूपमा यो प्रतियोगिता स्थापित भइसकेको छ । यसपटकको फाइनल राउन्डमा २६ प्रतिस्पर्धीले उपाधिका लागि प्रतिस्पर्धा गर्दैछन् ।
सहभागीहरूमा सुजना श्रेष्ठ, श्रेयांशी भट्टराई, अमिका घिमिरे, पवित्रा कुँवर, रक्षा मोचि, प्रीति थापा, समीक्षा कार्की, पुष्पाञ्जलि श्रेष्ठ, अर्पणा राउत, कृतिका सुवेदी, स्नेहा कटवाल, बेदिका भुजेल, रितिका खड्का, रचना मगर, रोस्मी राई, आयुषा बराल, आयुषा राउत, रेश्मा विष्ट, संस्कृति दाहाल, रेनेशा प्रधान, अदिति गुरागाईं, इप्सिता रेग्मी, युना राई, नुना अधिकारी र पेरिशा शंकर छन् ।
@parikalanewsofficial
यी प्रतियोगीहरूको कोरियोग्राफी शुभेक्षा कार्कीले गरिरहेकी छन् । कार्यक्रमको सहयोगी संस्थामा आकाश इन्स्टिच्युट र यार्सागुम्बा रहेका छन् भने मिडिया पार्टनरको रूपमा परीकला न्यूज रहेको छ । प्रतिष्पर्धीलाई श्रृङ्गार एसबी मेकअप एण्ड नेल स्टुडियोले गरिरहेको छ भने फोटोग्राफी तथा भिडियोग्राफी निश्चल ग्यालरीले गरिरहेको छ ।
ड्रेस डिजाइन निधि बुटिक र डिजाइनिङ पार्टनरको रूपमा वि प्रोडक्सन रहेको छ । कार्यक्रम संयोजनमा इटहरी उपमहानगरपालिका छ भने यो कार्यक्रमको एजुकेशन पार्टनर सुष्मा गोदावरी कलेज हो । उपाधि विजेताले प्लस टू तहको पूर्ण छात्रवृत्तिसहित विभिन्न गिफ्ट ह्याम्पर, सब-टाइटलहरू तथा आकर्षक पुरस्कारहरू प्राप्त गर्नेछन् । प्रतिस्पर्धीहरूको आत्मविश्वास, प्रस्तुति र व्यक्तित्वको मूल्याङ्कनमार्फत निर्णायकहरूले विजेता चयन गर्नेछन् ।
Discussion about this post