इटहरी/ सुनसरीको रामधुनी नगरपालिकास्थित झुम्कामा आयोजित एक सांगीतिक कार्यक्रममा ‘स्टेज किङ्ग’ दुर्गेश थापाले मध्यरातमा हजारौं दर्शकलाई आफ्नो प्रस्तुतिले झुमाएका छन् । हिजो बिहीबार प्रतिकूल मौसमका बाबजुद पनि दर्शकको माया र साथले उनलाई उत्साहित बनाएको थियो । झुम्कामा आयोजना भएको ‘थारु फूड फेस्टिबल’ पानीका कारण दुई दिनसम्म अवरोध आएको थियो ।
बुधबार दुर्गेशको प्रस्तुती तय गरिएको थियो । उनी कार्यक्रमको लागि उपस्थित भएपनि मुसलधारे पानीका कारण कार्यक्रम स्थगित भयो । उनलाई नजिकबाट हेर्न र उनको प्रस्तुतीमा झुम्न झुम्केलीहरु आतुर थिए । तर, दुर्गेशका ‘भगवानरूपी दर्शक’ हरूको निरन्तर माग र उत्साहले उनलाई बिहीबार बस्न बाध्य गरायो । बिहीबार पनि पानीले केही समय अवरोध गर्यो । थापाको प्रस्तुती हेर्न हजारौं दर्शकले टिकट काटेर कार्यक्रम स्थल प्रवेश गरिसकेका थिए ।
लामो समयको पर्खाइपछि मात्र दुर्गेश थापा स्टेज उक्लिएका थिए । उनी स्टेज उत्रिदाँ रातको ११ बजिसकेको थियो । मध्यरात भइसक्दा पनि दुर्गेशलाई सुन्न र उनको प्रस्तुतीमा झुम्न हजारौंको संख्यामा दर्शकहरू पर्खिरहेका थिए । दुर्गेशले आफ्ना हिट गीतहरू ‘दुश्मन हेरेको हेरै’, ‘बम बम भोले भोले’ लगायत गाएका थिए । उनको दमदार प्रस्तुतिले झुम्केली दर्शकहरूलाई मध्यरातको १२ बजेसम्म मनोरञ्जन प्रदान गर्यो ।
@parikalanewsofficial
Discussion about this post