नेपाली संगीतले गुमायो गणेश रसिक

इटहरी/ नेपाली संगीत क्षेत्रले एकजना मूर्धन्य व्यक्तित्व, वरिष्ठ गायक तथा संगीतकार गणेश रसिकलाई गुमाएको छ। आइतबार दिउँसो हात्तीवनस्थित नेपाल क्यान्सर अस्पतालमा उपचारकै क्रममा उनको निधन भएको पारिवारिक स्रोत र संगीतकार संघ दुवैले पुष्टि गरेका छन्।करिब पाँच वर्षदेखि क्यान्सर रोगसँग जुधिरहेका रसिकको बिहान ११ बजेतिर अस्पतालमै निधन भएको उनका भाइ नाता पर्ने वसन्त मुकारुङले जानकारी दिए। संगीतकार संघका अध्यक्ष अष्ट लामाले रसिकको निधनले नेपाली संगीतमा अपूरणीय क्षति पुगेको बताएका छन्।

गणेश रसिकले नेपाली संगीतमा थुप्रै अविस्मरणीय योगदान पुर्‍याएका छन्। उनको स्वर र संगीतमा सजिएका कालजयी गीतहरूले श्रोताको मनमा सधैँ बास गर्नेछन्। उनका केही चर्चित गीतहरूमा ‘धेरै सम्झे धेरै हुन्छ’, ‘ रातो भाले’, ‘ घरबेटी नानी ‘, लगायत रहेक छन्। यी गीतहरूले उनलाई नेपाली संगीतमा एक विशिष्ट स्थान दिलाएका थिए ।

रसिकको पार्थिव शरीरलाई हाल त्रिभुवन शिक्षण अस्पतालमा राखिएको छ। बेलायतमा रहेकी उनकी एकमात्र छोरी नेपाल फर्किएपछि मात्र दाहसंस्कार गरिने परिवारले जनाएको छ। नेपाली संगीतप्रेमीहरूका लागि यो एक दुखद क्षण हो।