डिप्रेसनमा हास्यकलाकार कुन्जना घिमिरे ‘सुन्तली’, मध्यरातमा लेखिन् यस्तो स्ट्याटस

इटहरी/ चितवनमा निर्माणाधीन गौतम बुद्ध अन्तर्राष्ट्रिय क्रीकेट रंगशाला निर्माणमा असफल भएपछि सरकारलाई जिम्मा लिन हारगुहार गरिरहेका सिताराम कट्टेल ‘धुर्मुस’ र उनकी श्रीमती कुन्जना घिमिरे ‘सुन्तली’ ले सामाजिक संजालमा यतिबेला मानसिक यातना भोगिरहेको बताएका छन् । बिहीवार मध्यरातमा कुन्जनाले आफ्नो फेसबुक एकाउन्टमा एक स्ट्याटस लेख्दै आफू डिप्रेसनमा गएको खुलाएकी छन् । आफ्नो इनबक्समा नग्न तस्वीरहरु आउन सुरुगरेको तथा तुच्छ गालिहरु आईरहेको भन्दै उनले अबको हरेक वार्ता खुलेआम रंगशालाको मैदानमा गरियोस्, नाकि बन्द कोठामा भन्दै आक्रोशपुर्ण स्ट्याटस लेखेकी छन् ।

राज्यसंग धेरै मन दुखेको भन्दै धुर्मुसको आग्रहमा यतिन्जेल सुन्नै नसकिने शब्दहरूका गाली गलौज सुन्दै आएको र अब मानसिक यातनाले बिछिप्त भएका कारण सुन्ने र सहन सक्ने शक्ति सकिएको उनले लेखेकी छन् । उनले स्ट्याटसको अन्त्यमा ‘कि मलाई सफाई देउ कि सजाय ! तर, जे गर्छौ छिटो गर’ भन्दै सरकारलाई आग्रह गरेकी छन् । उता केही दिनअघि धुर्मुसले भने एक भिडियो सार्बजनिक गर्दै यो रंगशाला निर्माणमा उनको सुरुदेखि नै बिमती रहेको, तर श्रीमानको चाहानालाई तिलान्जली दिन खोज्दा उनले यो मानसिक यातना सहन परेको बताएका थिए । यो सब हुनुमा कुन्जनाको कुनै दोष नरहेको भन्दै उनलाई गाली गलौज नगर्न भनेका थिए ।