‘बिहे पास’ ट्रेलर सार्वजनिक: दयाहाङ र प्रकृतिबीच लफडा

इटहरी/ फर्स्टलुक,टिजर र गीतका कारण प्रतिक्षित बनेको फिल्म ‘बिहे पास’ को ट्रेलर शुक्रबार बुढासुब्बा डिजिटलमार्फत सार्वजनीक गरिएको छ । दयाहाङ राई र प्रकृति श्रेष्ठ स्टारर करिब ३ मिनेट लामो ट्रेलर निकै रोचक देखिएको छ । नयाा बर्ष ०८० को अबसरमा बैशाख १ गते प्रदर्शन हुने फिल्मको निर्देशन प्रबेश पौडेलले गरेका छन् । आरआर फिल्म प्रोडक्शनको ब्यानरमा निर्मित फिल्ममा दयाहाङ र प्रकृतिलाई प्रेमी-प्रेमीका हुदै पतिपत्नी बनेकोसम्म देखाइएको छ ।

कमेडी, सेन्टिमेन्टस र सस्पेन्सले भरिभराउ लाग्ने ट्रेलरलाई दर्शकले उत्कृष्ट प्रतिक्रिया दिएका छन् । रोहित कटेल र रत्न श्रेष्ठले निर्माण गरेको फिल्ममा दयाहाङ र प्रकृतिका साथमा श्याम राई, बिशाल पहाडी, सुवास गजुरेल,हिउवाला गौतम, रुषा न्यौपाने, नवीन शेरचन, उमा बानिया र प्रकाश भूजेलले अभिनय गरेका छन् । शिब ढकालले खिचेको फिल्मका गीतमा प्रबेश मल्लिकको संगीत, डिपी खनालको गीत, शैलेन्द्र प्रधानको पार्श्व संगीत छ । हेर्नुस ट्रेलर

रामजी लामीछानेको कोरियोग्राफी रहेको फिल्म मित्र देव गुरुङले सम्पादन गरेका छन् । मर्रे केर,आकाश बराल र सजन काफ्लेको कथा रहेको फिल्मको पटकथा र सम्वाद भने आकाश र सजनले तयार पारेका हुन् । रोहित कटेलको प्रस्तुति, रत्न श्रेष्ठ कार्यकारी निर्माता, रोजन श्रेष्ठ निर्माता, ग्याल्जेन लामा र बालकृष्ण पाख्रिन सहनिर्माता रहेको फिल्म दर्शकलाई नया बर्षको उपहार स्वरुप प्रदर्शन गर्न लागेको निर्माण पक्षले जनाउदै आएको छ ।