एकै फिल्ममा प्रदिप खड्का, पल शाह र आर्यन सिग्देल देखिदै

इटहरी/ मल्टिस्टार अभिनेता प्रदिप खड्का, पल शाह र आर्यन सिग्देल एकसाथ फिल्ममा देखिने भएका छन् । नाम नखुलाईएको फिल्मको यतिबेला पोखरामा स्क्रिप्टलाई पुर्णता दिन लागिपरेको छ । दिनेश राउतले निर्देशन गर्ने उक्त फिल्ममा अभिनेता पल शाह र प्रदिप खडका अनुबन्ध भैसकेका छन् । यता अभिनेता आर्यन सिग्देलसंग मौखिक सम्झौता भैसकेको र केहीदिनमा कागजी सम्झौता हुने निर्माण युनिटको भनाई छ । यी ३ स्टार कलाकार एकसाथ एउटै पर्दामा देखिने भएपछि चर्चा निकै चुलिएको छ ।

यो खबरपछी सुस्ताउदै गैरहेको नेपाली फिल्म उधोगलाई उठाउन यसरी मल्टीस्टार कलाकारले एकसाथ फिल्म खेल्नुपर्ने धेरैको धारणा सार्वजनिक भैरहेको छ । एड्भेन्चर ड्रामा जानरामा निर्माण हुने फिल्मको पटकथा तथा संवाद लेखक विकास सुवेदी हुन् । अभिनेताहरु फाईनल भैसकेपनी अभिनेत्रीको भने फाईनल भैसकेको छैन । सुदुरपश्चिममा आउदो भदौदेखी छायांकन हुने फिल्मका लागी अभिनेता पल शाह र प्रदिप खड्काले यतिबेला अभिनेता अनुप बरालसंग वर्कसप गरिरहेका छन् ।