पैसा नभएको ३ लाख बढिको चेक दिएर निर्माता सम्पर्कबिहिन, मोडलसहित सुटिङ युनिटको बिचल्ली

इटहरी/ म्युजिक भिडियो छायांकनका लागि इलाम आइपुगेका म्युजिक भिडियो छायांकन टोलि प्रोड्युसर बेपत्ता भएपछी टोलि रित्तो हात काठमाडौ फर्किएको खबर हामिलाई प्राप्त भएको छ । करिव १ महिना अघि छायांकन टोलि केही म्युजिक भिडियो छायांकन गर्न काठमाडौदेखी कोशी प्रदेशको रमणीय स्थल इलामको फिक्कल १ हप्ताको लागी आइपुगेको थियो । सिनेमाटोग्राफर अमृत सुनुवार, मेकअप आर्टिस्ट स्वस्तिका श्रेष्ठ, २ जना क्यामेर क्रु, मोडल राजेश्वरी श्रेष्ठ र एक जना ड्राइभर सहित ६ जनाको टोलि छायांकनका लागी आएका थिए । त्यस्तै यता कोशी प्रदेशबाट मोडल रोशन श्रेष्ठ, मोडल बिन्जु धामी, अन्जु चौलागाईं, प्रकाश प्रधान र कोरियोग्राफर वसन्त बस्नेत टिममा सामेल भएका थिए । हेर्नुस् यो समाचारसंग सम्बन्धित रहेर तयार गरिएको कार्यक्रम हाईलाईट्स ।

र यसको सबै चाजोपाजो मिलाउने अर्थात जानकारी अनुसार प्रोडुसर सन्जय बराल थिए । सबै भिडियोको छायांकन सकिएपछि उनी सम्पर्क बिहिन भएको गुनासो आएको छ ।काठमाडौबाट सिनेमाटोग्राफर अमृतको नेतृत्वमा टिम आएको थियो । छायांकन सकेर फर्केको १ महिना बित्न लाग्दा समेत पैसा नपाएको गुनासो छ । बराल अमृतलाई १ लाख ६४ हजारको, यता कोशी प्रदेशको टिमलाई भनेर अर्को १ लाखको र मोडल रोशन श्रेष्ठलाई ४० हजारको चेक दिएका छन् तर, जुन बैंकको चेक हो त्यो बैंक एकाउन्टमा पैसा छैन् । यसको अन्तिम बिकल्पमा चेक बाउन्स पनि गर्न सकिन्छ । तर, चेक पाउनेहरुले मानवताको धर्म निर्वाह गरिरहेका छन् । तर, बराल भने टिमसंग कुनैपनी माध्यमबाट सम्पर्कमा आएका छैनन् ।

सिनेमाटोग्राफर अमृतले मात्रै हैन उनको क्यामेरा क्रु, मेकअप आर्टिस्ट, मोडल बिन्जु धामी लगायतले समेत तोकेको पैसा पाएको छैन् । टिम बसेको होटलको पैसा समेत तिरेको छैन भन्ने पिडितको गुनासो छ । जानकारी अनुसार निर्माता बरालले सामाजिक संजालमा उनको पुरानो एकाउन्टबाट सबैलाई ब्लक गरेका छन् रे, नया एकाउन्टमा म्यासेज गर्दा पनि ब्लक गर्छन् रे । अनि यसरी समस्याको समाधान हुन्छ त ? पैसा दिनसक्ने क्षमता छैन भने किन एकै चोटि ४/५ ओटा म्युजिक भिडियो बनाउने आट गर्नु ? तपाईमा लोभ चाहिँ केको थियो र अरुको श्रम र पसिनामा खेलाची गर्नुभयो ? त्यही बेलै साझ सम्म पैसा ल्याएर दिन सकिन भने मेरो फोटो हालेर फेसबुकमा पोस्ट गर्नु भनेर भनेका संजयले हालसम्म पनि ब्ल्यान्क चेक थमाएका कारण पिडितहरुले फेसबुकमा स्ट्याटस हालेर चित्त बुझाउन थालेका छन् ।