इटहरी/ अभिनेता पल शाहलाई एक्सन अवतारमा देख्न सकिने फिल्म ‘रावायण’ को शिर्ष गीतको भिडियो सार्वजनिक गरिएको छ । भदौ २१ गते हरितालिका तीजको अवसरमा रिलिज हुन लागेको फिल्म ‘रावायण’को उक्त गीत मंगलबार युट्युबमा सार्वजनिक गरिएको हो । यो गीतमा त्रेता युगका रावण पात्रको वर्णन गरिएको छ, जहाँ अभिनेता पल शाह दोहोरो चरित्रमा देखिएका छन् ।
अभिनेत्री पूजा शर्मा र निर्देशक सुदर्शन थापालेले पनि गीतमा आफ्नो उपस्थिति देखाएका छन् । भारतको फिल्म ‘पुष्पा २’को चर्चित गीत ‘पुष्पा पुष्पा’का गायक नाकाश अजिजको स्वरमा रहेको यस गीतमा कृष्णहरि बरालको शब्द रचना तथा रेवन आरती सिंहको सङ्गीत छ । विक्रम स्वाँरको कोरियोग्राफी रहेको छ । हेर्नुस् भिडियो ।
यो फिल्म ‘रावायण’मा अभिनेत्री प्रियंका कार्की, प्रमोद अग्रहरी, प्रकाश शाह, प्रदीप ढकाल, कैलाश रावल, अर्जुनजंग शाही लगायतका कलाकारहरूको पनि अभिनय रहेको छ । शिवम अधिकारीको लेखन, प्रदीप श्रीवास्तवको पटकथा, सौरभ लामाको छायाङ्कन, मिलन श्रेष्ठको सम्पादन, रेवनसहित नीरज सिंहको सङ्गीत रहेको यो फिल्ममा श्री श्रेष्ठको द्वन्द्व समावेश गरिएको छ ।
यसअघि सार्वजनिक गरिएको ‘रावायण’को ‘एक्सन प्याक्ड’ टिजरलाई दर्शकले रुचाएका छन् । सो टिजरले तराई क्षेत्रमा हुने हिंसात्मक गतिविधिलाई चलचित्रको मुख्य कथावस्तु बनाएको सङ्केत दिएको छ ।
Discussion about this post