इटहरी/ आजबाट फिल्म ‘नम्बरी सुन’ देशव्यापी प्रदर्शनमा आएको छ । फिल्म निर्माण युनिटले यो फिल्म हेर्ने दर्शकलाई लक्की ड्रबाट सुन उपहार दिने योजना घोषणा गरेदेखी फिल्मी दर्शकको यो फिल्मका लागी चासो बढेको थियो । त्यसैले पनि दर्शकको हल तानिदै छन् । शुक्रवार सुनसरीको इटहरी अवस्थित इलाईट सिनेमा हलमा समेत सुन परिहाल्छ कि भन्दै दर्शक ‘नम्बरी सुन’ फिल्म हेर्न आएको देखियो ।
इलाईट सिनेमा हलले यो फिल्मलाई ४ शो दिएको छ । पहिलो शो बिहान ९:३०, दोश्रो शो मध्याह्न १२:३०, तेश्रो शो दिउँसो ३ बजे र चौथो शो रातिको ८:१५ बजे छुट्याइएको छ । फिल्मका लागी दर्शकले टिकट बुकिङ गर्ने देखी फोनमा शो टाईम बुझ्ने क्रम बाक्लिदै गएको हल संचालक नवराज केसीले जानकारी गराए । इलाईट सिनेमा हलमा फिल्म हेर्ने दर्शकको टिकट पछाडि नाम र नम्बर लेखेर राखिएको छ । उक्त टिकटहरु इलाईट सिनेमा हलमै लक्की ड्र गरेर एक जना दर्शकलाई सुन उपहार स्वरुप प्रदान गर्ने बताईएको छ ।
उच्च र तल्लो बर्गका मानिसहरुको बिचको प्रेम र सो प्रेमले निम्त्याउने घटनालाई फिल्म ‘नम्बरी सुन’मा देखाइएको छ । राजु गिरी निर्देशित फिल्मको प्रस्तुतकर्ता नारायण खाती हुन् । फिल्ममा गौरव पहारी, नम्रता सापकोटा, विनोद न्यौपाने, सरोज खनाल, बुद्धि तामाङ, राजाराम पौडेल, किरण नेपाली, राजेन्द्र खड्गी, सविन बाँस्तोला, गीता अधिकारी, नारायण खाती, अस्मिता न्यौपाने, राजेन्द्र गिरी, कंगना गिरी लगायतको अभिनय छ ।
सरोज खाती, सविन खाती र मनोज रिजाल निर्माता रहेको फिल्ममा शिवम् अधिकारीको पटकथा तथा संवाद, अर्जुन पोखरेल र सन्तोष श्रेष्ठको संगीत, रामजी लामिछानेको कोरियोग्राफी, समीर मियाँको भीएफएक्स, दिव्य सुवेदीको छायांकन, देव महर्जनको द्वन्द्व, गौतमराज खड्काको सम्पादन छ । सुवर्ण शिभान्स प्रोडक्सनको ब्यानरमा निर्माण भएको फिल्म काठमाडौँ उपत्यकामा जिजिए ग्रुप र उपत्यका बाहिर एफडी कम्पनीले वितरण गर्दैछ ।
Discussion about this post