इटहरी/ साउनको २५ गतेबाट रिलिजमा आउन लागेको फिल्म ‘नम्बरी सुन’को ट्रेलर रिलिज भएको छ । आज काठमाडौंमा एक कार्यक्रमको आयोजना गर्दै राजु गिरी निर्देशित फिल्मको ट्रेलर सार्वजनिक गरिएको हो । ट्रेलरमा मायाप्रेम र त्यसले निम्त्याउने द्धन्द्धलाई प्रस्तुत गरिएको छ । फिल्मका मुख्य कलाकार सरोज खनालको हुकुमी शैली फिल्मको मुख्यकथा हो ।
उच्च र तल्लो बर्गका मानिसहरुको बिचको प्रेम र सो प्रेमले निम्त्याउने घटनालाई फिल्ममा देखाइएको छ । राजु गिरी निर्देशित फिल्मको प्रस्तुतकर्ता नारायण खाती हुन् । फिल्ममा गौरव पहारी, नम्रता सापकोटा, विनोद न्यौपाने, सरोज खनाल, बुद्धि तामाङ, राजाराम पौडेल, किरण नेपाली, राजेन्द्र खड्गी, सविन बाँस्तोला, गीता अधिकारी, नारायण खाती, अस्मिता न्यौपाने, राजेन्द्र गिरी, कंगना गिरी लगायतको अभिनय छ । हेर्नुस् ट्रेलर ।
सरोज खाती, सविन खाती र मनोज रिजाल निर्माता रहेको फिल्ममा शिवम् अधिकारीको पटकथा तथा संवाद, अर्जुन पोखरेल र सन्तोष श्रेष्ठको संगीत, रामजी लामिछानेको कोरियोग्राफी, समीर मियाँको भीएफएक्स, दिव्य सुवेदीको छायांकन, देव महर्जनको द्वन्द्व, गौतमराज खड्काको सम्पादन छ ।
सुवर्ण शिभान्स प्रोडक्सनको ब्यानरमा निर्माण भएको फिल्म काठमाडौँ उपत्यकामा जिजिए ग्रुप र उपत्यका बाहिर एफडी कम्पनीले वितरण गर्दैछ । निर्माण पक्षले खल्ती एपबाट फिल्मको टिकट काट्ने ५ जना र त्यसभन्दा बाहिरका ७ जना दर्शकलाई सुन उपहार दिने घोषणा गरिसकेको छ ।
Discussion about this post