इटहरी/ फिल्म ‘होस्टेल रिटर्न्स’बाट अभिनेताको रुपमा नेपाली फिल्म उधोगमा उदाएका सुशील श्रेष्ठको त्यसपछि खासै चर्चा चुलिएन । अभिनय नै नसिकी फिल्मको हिरो बनेका उनले आफ्ना कमजोरी देखेपछी एक्टर स्टुडियोमा अनुप बरालसंग अभिनय सिके । श्रेष्ठले अभिनय सिकेपछी मात्रै ‘सायद २’ र कारखाना फिल्ममा अभिनय गरे । दुबै फिल्म सुशिलका लागी शुखदाय रहेन । अहिले केही वर्षको अन्तरालपछी अभिनेता श्रेष्ठको चर्चा पुनः चुलिएको छ ।
अहिले उनको अभिनय रहेको फिल्म ‘आउटल: दफा २१९’को पोस्टर, एनाउन्समेन्ट भिडियोदेखी टिजरसम्म आईपुग्दा फिल्म प्रतिक्षित बनेको छ । उनको लुक्सको चौतर्फी चर्चा चलिरहेको छ । टिजरबाट उनको एक्सन र डरलाग्दो लुक्सले धेरैको ध्यान खिचेको छ । हालै सार्वजनिक टिजरमा उनलाई एक्सन स्टारको उपमा समेत थमाईएको छ भने यो फिल्मलाई सुशीलको कमब्याकको रुपमा पनि हेरिएको छ । हेर्नुस् टिजर ।
टिजरमा प्रयोग भएका ब्यागग्राउण्ड म्युजिक, सिनेमाटोग्राफी संगै सम्पादकिय कलाले पनि ट्रेलर दमदार बनेको छ । अब फिल्म पनि यहि लेभलमा बनेको भए सुशील पुनः एक्सन स्टारको रुपमा उदाउनेमा दुईमत छैन । तर, उनलाई थमाईएको एक्सन स्टारको उपमा जोगाउन समेत धेरै चुनौती छ । स्याडो पिक्चर्स र रेट्रो फिल्मसको प्रस्तुतिमा निर्माण भएको यो फिल्म ‘आउटल: दफा २१९’ आगामी असोज ३ गतेबाट सार्वजनिक प्रदर्शनमा आउँदैछ ।
यो फिल्मलाई विक्की महर्जनले लेखेका हुन भने उनकै निर्देशन रहेको छ । फिल्ममा सुशीलसँगै नरेश पौडेल, शिक्षा सङ्ग्रौला, सुमन भण्डारी, हेम गुरुङ, सोनी लागुन, विशाल पहारी लगायतका कलाकारहरूको अभिनय छ । अभिनेत्रीको रुपमा शिक्षा सङ्ग्रौलाले डेब्यु गर्ने फिल्मको अमित अग्रहरी निर्माता हुन् भने विनोद कठायत कार्यकारी निर्माता र विकास चौधरी सह-निर्माता हुन् । यो फिल्ममा नवीन गुरुङको डिओपी, चुल्ठे काजीको एक्सन निर्देशन र साहिल खानको सम्पादन रहेको छ ।
Discussion about this post