इटहरी/ श्रावण १८ गते रिलिज हुने नेपाली चलचित्र ‘मोदीबेनी’को ‘मन्जुरी’ शीर्षकको रोमान्टिक गीत सार्वजनिक गरिएको हो । यो गीत इन्टरनेटमा ओएसआर डिजिटलको युट्युब च्यानल मार्फत हेर्न सकिन्छ । ‘मोदीबेनी’को एक महत्त्वपूर्ण अंशको रूपमा रहेको गीतले वर्षा र अमरको प्रेम अङ्कुरण देखिको यात्रालाई चर्चा गरेको छ । एसडी योगी र विज्ञान पराजुलीको आवाजमा रहेको यो गीतको सङ्गीत एसडीले नै गरेका छन् भने राम अविरल बिस्टले शब्द रचना गरेका छन् । सङ्गीत निर्माता रिकेश गुरुङ हुन् ।
सार्वजनिक गीतको भिडियोमा फिल्मका प्रमुख कलाकार बर्षा सिवाकोटी र अमर प्रताप श्रेष्ठ फिचर्ड छन् । किरण थापाले कोरियोग्राफी गरेको यस गीतको भिडियोमा सिवाकोटी र श्रेष्ठले सुन्दर अभिनय गरेका छन् । गीतमा उत्सव दाहालले छायाङ्कन र भरत रेग्मीले सम्पादन गरेका छन् । हेर्नुस् भिडियो ।
मोदिबेनीलाई शङ्कर कोइरालाले निर्देशन गरेका हुन भने यसको निर्माता द्वय दिलीप केसी र हरि श्रेष्ठ हुन् । डिओपी उत्सव दाहाल, सम्पादक भरत रेग्मी रहेको फिल्ममा सिवाकोटी र श्रेष्ठको अलावा सरोज खनाल, प्रवीण खतिवडा, रेजिना उप्रेती, दिलीप केसी, जीवन भट्टराई, कमलमणि नेपाल, सुव्रतराज आचार्य, अनामिका लामिछाने, पूजन श्रेष्ठ, गोविन्द सुनार, लविस गर्तौला, शेर बहादुर बराल, रोजी श्रेष्ठ, हिउवाला गौतम, स्नेहा भट्टराई लगायतको पनि अभिनय रहेको छ ।
डिनेस्ट इन्टरटेनमेन्टको प्रस्तुतिमा बनेको यो फिल्म पर्वत जिल्लाको मोदीबेनी क्षेत्रमा घटेको विश्वास गर्नै गार्हो हुने तर यथार्थ घटनामा आधारित रहेर बनेको छ । फिल्मलाई आनन्द विक्रम क्षेत्रीले लेखेका हुन् । यो फिल्मलाई रिच इन्टरटेन्मेन्टले काठमाडौं उपत्यका र एफडी कम्पनीले उपत्यका बाहिर वितरण
गर्दैछन् ।
Discussion about this post