इटहरी/ नेपाली सिनेमा नगरीमा पछिल्लो समय फ्लप र औसत फिल्म दिएका २ लोकप्रिय अभिनेता अभिनेत्रीलाई एकसाथ पर्दामा देख्न पाईने भएको छ । त्यो नाम हो अनमोल केसी र जसिता गुरुङ । अनमोलको पछिल्लो फिल्म ‘छड्के २’ फ्लप फिल्ममा गनियो भयो भने जसिता अभिनित हाल प्रदर्शनरत ‘ज्याकी आइ एम २१’ ले पनि सोचेअनुरुप व्यापार गर्न सकिरहेको छैन । अनमोल र जसिताको लामो समयदेखी फिल्ममा जोडि बाधिने आधिकारिक चर्चा चलेपनि त्यो चर्चाले भने पुर्णता पाईरहेको थिएन । अब भने यी २ लाई ‘फर्की फर्की’ नामक फिल्ममा एकसाथ देखिने भएको हो । निर्माता रोहित अधिकारीको निर्माणमा बन्ने फिल्म ‘फर्की फर्की’ मा अनमोल र जसिता अनुबन्ध भएका हुन् । हेर्नुस् यो समाचारसंग सम्बन्धीत सामग्रीसहित कार्यक्रम हाईलाइट्स :
जुन कुराको आधिकारिक जानकारी निर्माता अधिकारीले आफ्नो सामाजिक संजाल फेसबुक मार्फत गराएका छन् । रोहितले फेसबुकमा अर्को पनि एक स्ट्याटस लेख्दै ‘यो फिल्म अनमोलको प्रोजेक्ट हो र यस्मा हामि ईन भएका हौ’ भनेका छन् । उनि थप लेख्छन् ‘हामिले फिल्म छोड्दैनौ फिल्म भनेकै डेटमा शुटिङमा जान्छ’ । अपेक्षा हामि सबैको त्यहि छ, र अर्को पनि अपेक्षा के छ भने छड्के २ को जस्तै हविगत अनमोलको पुन: नहोस । निर्माता अधिकारीले भदौदेखि फिल्म छायांकन थाल्ने बताए पनि अनामोललाई नै लिएर भुवन केसीले भदौ १० गते देखि नै होम प्रोडक्सनको फिल्म छायांकन गर्ने चर्चा छ । यता अभिनेता अनामोलले पनि पहिला होम प्रोडक्सनको फिल्मलाई नै अगाडी राखेको खबर बाहिरिएको छ । अब यहि कुरालाई आधार मान्ने हो भने निर्माता अधिकारिको स्ट्याटसमा खासै दम देखिएन । उनले फिल्म छायांकनको सेड्युल सार्ने पर्ने बाध्यता देखिन्छ । हामीले हाइलाइट्सको एपिसोड सार्वजनिक गर्नुभन्दा अगाडि नै रोहितले भने स्ट्याट्स डिलेट गरिसकेका रहेछन् । यसर्थ उनको छायांकन सेड्युल धकेलिएकै हो भन्न सकिन्छ ।
जे होस, अनमोलले केहि समयअगाडी लेखेको स्ट्याटसलाई नजर लाउने हो भने उनले आफ्नो करियरको दोश्रो सत्रको सुरुवात होम प्रोडक्सनकै लभस्टोरी फिल्मबाट सुरु गर्ने देखिन्छ । उनले भनेका थिए कि ‘अब नवौ पछिको दशौ सिनेमा दशपछिको शुन्य हटेपछि बन्ने ‘एक’ अर्थात आज म शुन्यमा छु र मेरो करियरको पहिलो सिनेमा मेरो दशौ सिनेमा हुनेछ अर्थात मेरो करियरको दोश्रो सत्रको सुरुवात मेरो अबको सिनेमाबाट हुनेछ’ । पहिलो पाइला घरबाटै चालेको राम्रो । फिल्म फर्की फर्कीको निर्माणमा रोहितलाई ओएसआर डिजिटलका ओम अग्रवाल र श्याम कँडेलले साथ दिनेछन् । सुयोग गुरुङले ‘फर्की फर्की’लाई निर्देशन गर्नेछन् भने फिल्मका लागि अनमोल र जसिता बाहेक अन्य कलाकारहरु भने छनौट भैसकेका छैनन् ।
निर्माता अधिकारीले यो फिल्म संगै अन्य २ फिल्महरु पनि यसै वर्ष छायांकन गर्ने तयारी सहित घोषणा गरेका छन् । अनटाइटल एक फिल्ममा निर्देशक सुरेन्द्र पौडेल रहेका छन् भने लेखकमा खगेन्द्र लामिछाने रहेका छन् । यो फिल्मका लागि मुख्य कलाकारका रुपमा लेखक लामिछाने र दिलिप रायमाझीकि छोरी दिव्या रायमाझी फाईनल भैसकेका छन् भने अन्य कलाकारहरू फाईनल हुन बाकी छ । दिव्याले यहि फिल्मबाट अभिनेत्रीको रुपमा डेब्यु गर्दैछिन् । यस्तै रोहितले घोषणा गरेको अर्को अनटाईटल फिल्ममा कलाकारहरु फाईनल भैसकेका छैनन् भने दिनेश राउतले निर्देशन गर्ने उक्त फिल्मको कथा विकास सुवेदीले तयार गर्नेछन् । यी ३ ओटै फिल्महरु रोहित अधिकारी फिल्मसको ब्यानरमा ओएसआर डिजिटल र हिमालयन टेलिभिजनले संयुक्त रुपमा निर्माण गर्नेछ भने मनोज कुमार ओलि र रामु न्यौपाने सह-निर्माताको रुपमा रहने रोहितले जानकारी गराए । रोहितले यसअघि ‘गाजलु’ र ‘छ माया छपक्कै’ जस्ता हिट फिल्महरु निर्माण गरिसकेका छन् ।
Discussion about this post