इटहरी/ यहीँ जेष्ठ ५ गतेबाट सिमित हलहरुमा प्रदर्शन सुरु गरिएको फिल्म ‘डाकिनी’को इटहरी सुनसरीमा विशेष प्रदर्शन गरिने भएको छ । इटहरीको सेन्ट्रल प्लाजामा अवस्थित सिनेफ्लेक्समा यो शनिबार अर्थात जेष्ठ १३ गते प्रदर्शन गर्न लागिएको हो । दिनको ११:३० बजेदेखि प्रदर्शन हुने ‘डाकिनी’ पुर्वान्चल इन्स्टिच्युट अफ फिल्म एन्ड टेलिभिजन र चलचित्र पत्रकार संघ सुनसरी शाखाको ब्यवस्थापनमा प्रदर्शन हुँदैछ । हेर्नुस् यो फिल्मको बारे तयार गरिएको समाचार सहितको ‘हाईलाइट्स’ कार्यक्रम:
षट्कोण आर्टस्ले निर्माण गरेको डाकिनीलाई खिन्से नोर्बुले निर्देशन गरेका हुन् । उनी बौद्ध धर्मका ठूला गुरु समेत हुन् । फिल्ममा तेन्जिङ कुन्सेल, कार्म, दिव्यदेव, रविन्द्रसिंह बानियाँ लगायतका कलाकारको अभिनय छ भने यसलाई रविन्द्रसिंह बानियाँ र म्याक्स दिपेश खत्रीले निर्माण गरेका हुन् ।
Discussion about this post