‘दान्भी’मा पुजा शर्माको एक्सन अवतार, मृत शरिरको हातबाट लगाईन् सिन्दुर

इटहरी/ अभिनेत्री पुजा शर्मा एक्सन अवतारमा प्रस्तुत भएकी छन् । प्रायः फिल्ममा लभर लेडिको भुमिकामा देखिदै आएकी उनी फिल्म ‘दान्भी’ बाट भने एक्सन लेडिको भुमिकामा प्रस्तुत भएकी छन् । यतिबेला फिल्मको प्रचारप्रसार स्वरुप ट्रेलर सार्वजनिक गरिएको छ । आउँदो असार ७ गते सार्वजनिक प्रदर्शनमा आउने फिल्मको ट्रेलरमा उनको एक्सनले भरिभराउ देखिन्छ । २ मिनेट ४० सेकेण्डको ट्रेलरमा नवाभिनेता कुन्साङ र पुजाबिचको प्रेमलाई पनि प्रस्तुत गरिएको छ ।

ट्रेलरका अनुसार फिल्मको कथा अनुमान लगाउने हो भने पुजाको प्रेमी हुन्छन् कुन्साङ । कुन्साङको हत्या हुन्छ र सोको बद्ला लिनलाई पुजाले एक्सन लेडिको रुप धारण गर्छिन् । चितामा राखिएको मृत शरिरको हातबाट पुजाले त्यही शरिरमाथी रहेको रंग सिन्दुरको रुपमा लगाएको दृश्य पनि ट्रेल्रमा समावेश गरिएको छ । सो ब्यक्ती कुन्साङ नै हुन् भन्ने अनुमान लगाउन सकिन्छ । यो भन्दै गर्दा एक्सन लेडिको छाप यसअघि रेखा थापाले बनाएकी थिइन् । अब उनको साख पुजाले जोगाउछिन् कि जोगाउन सक्दैनन् ? अब पूरा जान्न र बुझ्नलाई त असार ७ गतेसम्म कुर्नै पर्ने हुन्छ । हेर्नुस् ट्रेलर

जे होस्, ट्रेलर दमदार देखिएको छ । नेपाल र भारतको विभिन्न स्थानमा छायांकन गरिएको फिल्म ‘दान्भी’का द्वन्द्व निर्देशक श्री श्रेष्ठ हुन् भने फिल्मलाई रुपेश तामाङले निर्देशन गरेका छन् । फिल्ममा पुजा र कुन्साङसंगै किरण श्रेष्ठ, विशाल पहाडी, राजाराम पौडेल, मोनालिशा खतिवडालगायतका कलाकारको अभिनय रहेको छ । रविन थापा मगरको कथा तथा सन्जोग कुँवर रानाको पटकथा, संवाद रहेको फिल्मको पवन राना मगर कार्यकारी निर्माता र देव मगर तथा अनुप गडाल निर्माता रहेका छन् भने कमला लिम्बु, पन्चबहादुर तामाङ र आदर्श पौडेल सह-निर्माता हुन् ।