इटहरी/ नेपाली सिनेमा र संगीत उधोगका लोकप्रिय कलाकारहरूको सम्बन्ध नटिक्नु खासै नौलो कुरा हैन । प्रेमका चर्चादेखी विवाह बन्धन तोडिएका सम्मका कुराहरु कलाकर्मीको आईरहेका हुन्छन् । यस्तैमा राई ईज किङ गायक राजेश पायल राईको पनि वैवाहिक सम्बन्ध विच्छेद भएको खबर सार्वजनिक भएको छ ।
हिजो मात्रै रक्सी खाएर मध्यरातमा होहल्ला गरि प्रहरीको नियन्त्रणमा परेको नकारात्मक खबरको हेडलाइन भएका गायक राई सम्बन्ध विच्छेदको कुरालाई लिएर पुनः मिडियाको हेडलाईन बनेका छन् । उनले चैत्र १५ गते आफ्नी श्रीमती साङबुङ राईसंग सम्बन्ध विच्छेद गरेका हुन् ।
२०७८ सालमा राजेश र साङबुङले विवाह दर्ता गरेका थिए । अहिले उनिहरु आपसी सहमतिमै छुट्टिनलाई काठमाडौं जिल्ला अदालत पुगेका थिए भने न्यायाधीश पदमराज पाण्डेको एकल इजलासले यी २ को सम्बन्ध विच्छेदको फैसला गरेका हुन् । राजेश र साङबुङको १ छोरा छन् । साउनमा सम्बन्ध विच्छेदको मुद्दा गायक राजेश पायल राईको तर्फबाट दायर भएको थियो । सम्बन्ध विच्छेद भएसंगै गायक राईले साङबुङलाई करिब ५ करोड पर्ने नक्सालको आफ्नो घर र त्यहाँ भएको सामानहरु समेत दिएका छन् ।
यो संगै हाल ५० लाख नगद र भविष्यमा १ करोड नगद दिने भएका छन् भने छोराको उमेर १८ वर्ष नपुग्दासम्म मासिक १८ हजार रूपैयाँ मानाचामल भराउन पनि अदालतले आदेश दिएको छ । आफुभन्दा २६ वर्ष कान्छीसंग विवाह गरेका साङबुङ राजेशका फ्यान थिए । यी २ ले २ वर्षको प्रेम सम्बन्धलाई लुकाएपछी कानुनी रुपमा विवाह गरेका थिए । विवाह नै नगरी लिभिङ टुगेदरमा बस्दा छोरा जन्मिएका थिए । छोराको नाम सायरम हो । अब छोरा सायरम आमा साङबुङकै साथमा हुनेछन् ।
यता सम्बन्ध विच्छेदको खबर मिडियामा सार्वजनिक भएपछी साङबुङले सामाजिक संजाल फेसबुकमा एक स्ट्याटस पोस्ट्याएकी छन् । जहाँ उनले ‘अब तिमिहरुको अप्रेसन गर्छु, १२ भाइ’ भनेर लेखेकी छन् । यसर्थ उनी समाचारमा आएको कुराहरु प्रती असन्तुष्टि छन् । उनको सो स्ट्याटसमा संजाल प्रयोगकर्ताहरुबाट मिश्रित कमेन्टहरु आईरहेका छन् ।
Discussion about this post