इटहरी/ यहि चैतको ३० गतेबाट सार्वजनिक प्रदर्शनमा आउने फिल्म ‘डिग्री माईला’ को ‘किन’ बोलको गीतको लिरिकल भिडियो सार्वजनिक भएको छ । फिल्मको मुख्य अभिनेता दयाहाङ राई र अभिनेत्री आँचल शर्मा फिचर्ड गीतको लिरिकल भिडियोमा दयाहाङ र आँचलबीचको नोकझोकलाई प्रस्तुत गरिएको छ । सार्वजनिक गीतलाई गायक हेमन्त रानाले गाएका छन् भने उनैले शब्द रचना तथा कम्पोज गरेका हुन् ।
सफल निर्देशक रामबाबु गुरुङ निर्देशित फिल्मको ट्रेलरमा दयाहाङको चरित्र चित्रणले फिल्म प्रतिक्षित बनेको छ । यता १२ दिनअघि सार्वजनिक ट्रेलरलाई १६ लाखबढी पटक हेरिएको छ । एक शैक्षिक बेरोजगारीको कथा बोल्ने ‘डिग्री माईला बाँसुरी फिल्मस्को ब्यानरमा निर्माण भएको हो । यो फिल्म यसअघि नाटकको रुपमा हिट भएको थियो । हेर्नुस् सार्वजनिक गीत ।
बाँसुरी फिल्मस्ले कबड्डी फिल्मस् तथा सुस्मा फिल्मस्सँग मिलेर डिग्री माईला निर्माण गरेको हो । फिल्ममा दयाहाङ र आँचलको अलवा विजय बराल, माओत्से गुरुङ, बुद्धि तामाङ, प्रकाश घिमिरेलगायतको अभिनय रहेको छ । ‘किन चाउरिस मरिच आफ्नै रागले’ भन्ने चर्चित नेपाली उखानलाई आफ्नो ट्यागलाइन बनाएको फिल्मको निर्माताहरु विशाल गुरुङ, मणिराम पोखरेल, मधु मिजार तथा सुष्मा गुरुङ तथा कार्यकारी निर्माता क्रिश लामा हुन् ।
Discussion about this post