इटहरी/ अभिनेता प्रदीप खड्का यतिबेला अमेरिकामा छन् । चलचित्र ‘पुजार सार्की’को छायांकन सकेर प्रदिप अमेरिका पुगेका हुन् । प्रदिपसंग अहिले चलचित्रको कमि भने छैन । उनको आगामी चलचित्र ‘ऐरी’ र ‘पिताम्बर’ हो । यी चलचित्र केहि महिना भित्र नै फ्लोरमा जाने पनि निर्माण पक्षहरुले बताएका छन । यतिबेला प्रदिप आगामी चलचित्रको तयारी गर्नुपर्ने बेलामा आखिर उनि अमेरिका किन पुगे त ? यो सबैको चासोको बिषय पनि बनेको छ ।
प्रदिप अमेरिका चलचित्र कै लागी हो कि व्यक्तिगत भ्रमण ? यो भने उनले खुलाएका छैनन तर प्रदिपलाई अमेरिकामा भने भब्य स्वागत गरीएको छ । प्रदिपलाई अमेरिकामा बस्दै आएका निर्माता एवं प्रोडक्सन डिजाईनर कृष्ण कोईराला र अमेरिका बस्दै आएका नेपाली चलचित्रलाई माया गर्ने सफल व्यवसायी ‘स्पाईसि लाईफ’का संचालक प्रकाश श्रेष्ठ एवं छायाकार पवन गौतम तथा नेपाली कार्यक्रमहरु र अमेरिकामा ईभेन्टहरु आयोजना गर्ने कलाप्रेमीहरु दिनेश वन र शुशान तिवारीले अमेरिकाको मेरी ल्याण्ड राज्यको रियो शहरमा प्रदीपको भब्य स्वागत गरेका थिए ।
नेपाली कला र चलचित्रलाई माया गर्दै अमेरिकाको बिभिन्न राज्यहरुमा नेपाली कार्यक्रम आयोजना गर्ने आयोजकहरु दिनेश वन र शुशान तिवारी एवं निर्माण प्रोडक्सन डिजाईनर कोईरला, छायाकार पवन गौतमले प्रदीपलाई अमेरिकाको मेरिल्याण्ड, भर्जिनिया, वाशीङ्ग्टन डिसी लगायतका स्थानहरुमा घुमाई नेपाली चलचित्रको बजार र चलचित्र नगरीको बारेमा भलाकुसारी गरेको बताए ।
मेरिल्याण्ड राज्यमा ‘स्पाईसि लाईफ’ नामक रेष्टुरेन्ट संचालक गर्दै आएका सफल व्यवसायी प्रकाश श्रेष्ठले आगामी दिनमा नेपाल आएर सिनेमा बनाउने योजना बनाएका प्रोडक्सन डिजाईनर कोईरालाले नेपाली चलचित्रको अवस्थाको बारेमा प्रदिपसँग कुराकानी पनि गरेका थिए । कोईराला केहि महिनामा नेपाल आएर चलचित्रको तयारी गर्ने पनि बताएका छन । प्रदिप अमेरिकामा एक्लो भने गएका हैनन् उनि संग चलचित्र ‘ऐरी’का निर्देशक जीवन थापा पनि संगै छन् । अब यसरी पनि सोच्न सकिन्छ कि के ‘ऐरी’ को अमेरिकामा पनि छायांकन हुने हो ?
Discussion about this post