फिल्म ‘महाजात्रा’को पहिलो सो ठाउँ ठाउँमा हाउसफुल हुदै

इटहरी / शुक्रबार बाट देशविदेशमा प्रदर्शन हुने सोसल–कमेडी ड्रामा फिल्म ‘महाजात्रा’ले देशभर २५० हाराहारीमा शो प्राप्त गरेको छ । हाइप, प्राप्त शो र दर्शकले गरेको अग्रिम टिकट बुकिङ हेर्दा फिल्मको ओपनिङ निकै सुखद हुने देखिन्छ । बुकिङ खुला भएसंगै केही ठाउमा पहिलो सो हाउसफुल भइसकेको छ । नेपालगन्जको सिने रोयलमा चलचित्रलाई ९ शोज दिइएको छ। जसमध्ये शुक्रबारको पहिलो ८ बजेको शो हाउसफुल भइसकेको छ। प्रदर्शनको अघिल्लो दिन आज बिहीबार नै सिने रोयलमा पहिलो दिनको पहिलो शो हाउसफुल भएको हो। पहिलो शो’को सबै टिकट बिक्री भइसकेका छन् । सायद सिने रोयलमा प्रदर्शन अगावै शो हाउसफुल भएको यो पहिलो रेकर्ड हो । यो रेकर्डलाई आँकलन गर्ने हो भने नेपालगन्जमा ‘महाजात्रा’ले आक्रमक ओपनिङ गर्ने प्रक्षेपण गरिएको छ। अझै धेरै ठाउहरुमा धमाधम बुकिङ भईरहेको छ ।

वितरकले शो संख्यामा अझै वृद्धि हुनसक्ने बताएका छन् । क्यूएफएक्सले देशभरका पर्दामा ६७ शो दिएको छ । आईएनआई, बिग मुभिज, क्युज सिनेमाज, बीएसआर, एफक्युब, सिने द सेफ, रञ्जना, कीर्तिपुर, सीके, इन्फिनिटी, वान सिनेमाज लगायतले पनि उत्साहजनक शो दिएका छन् ।

दर्शकको पैसा र समय खेर नजाने ‘महाजात्रा’ टिमले दाबी गरेका छन् उनलेे प्राप्त शोलाई लिएर सबै उत्साहित र सन्तुष्ट रहेको बताएका छन् ।

फिल्म ‘महाजात्रा’मा आपतकालीन रुपमा आइलाग्ने धन व्यवस्थापन गर्ने अवसर र त्यसले निम्त्याउने चुनौतीलाई रोचक शैलीमा प्रस्तुत गरिएको यो फिल्ममा हरिवंश आचार्य, विपिन कार्की, रविन्द्र सिंह बानियाँ, वर्षा राउत, अर्जुनजंग शाही, प्रकाश घिमिरे, राजाराम पौडेल लगायतको अभिनय छ । फिल्मलाई षट्कोण आर्ट्सको ब्यानरमा म्याक्स दीपेश खत्रीले निर्माण गरेका हुन् ।
महाजात्रा’को प्रारम्भिक चुनौती भनेको प्राप्त शो संख्यालाई अकुपेन्सीमा रुपान्तरण गर्नु हो । फिल्मका लागि शो संख्याभन्दा अकुपेन्सी महत्वपूर्ण कुरा हो । यदि दर्शकले शुक्रबार पनि सुखद् प्रतिक्रिया दिए भने फिल्मले राम्रो कमाइ गर्न सक्छ । शुक्रबार बेलुकासम्म फिल्मको अकुपेन्सीले यसको व्यावसायिक भविष्यलाई अनुमान गर्न सकिने अवस्था छ ।