इटहरी/ केहि साताअघि एक थिम पोस्टर सार्वजनिक गरेर निर्माण घोषणा गरिएको फिल्म ‘रुखान’ का लागी नायिका फाईनल गरिएको छ । फिल्मका लागी बुधबार निर्माण युनिटले अभिनेत्री नीति शाहलाई प्रमुख नायिकाको रुपमा कागजी सम्झौता गरेको हो ।
नेपालीसंगै हिन्दी, भोजपुरी र अङ्ग्रेजी भाषामा निर्माण गर्ने भनिएको ‘रुखान’लाई सबिर श्रेष्ठले निर्देशन गर्नेछन् । नीतिलाई यो फिल्ममा एक बिद्रोही महिलाको रुपमा प्रस्तुत गर्न लागिएको निर्माण पक्षले जनाएको छ ।
लामो समयदेखि फिल्ममा डेब्युको प्रतिक्षामा बसेकी नितिले भर्खरै ‘खजुरे ब्रो’ को छायांकन सकेकि थिइन् । यो फिल्म ‘रुखान’को कार्यकारी निर्माता सविन श्रेष्ठ हुन् । सुरेश गुरुङ र अस्ट्रेलियाका कृष्ण थापा निर्माता रहेको यो फिल्मलाई सविन फिल्मस्, भिक्टोरी प्रोडक्शन हाउस प्रा.लि र काइट्स इन्टरटेन्मेन्टको ब्यानरमा निर्माण गरिने छ ।
Discussion about this post