इटहरी/ लोकप्रिय गायिका एलिना चौहानको ब्रेकअपको खबर सार्वजनिक भएकै दिन सार्वजनिक भएको गीत ‘तिम्ले धोका दियौ भने कट्टा हान्दिन्छु’ले छोटो समयमै १० लाख बढी भ्युज पाउदै सबैको मुखमा झुन्डिएको छ । प्रेम टुटेपछि ‘धोकेबाज हौ तिमी’ बोलको गीत त एलिनाको रियल लाईफमा मिलिरहेकै थियो भने त्यही कुरासंग मिल्दोजुल्दो गीत ‘तिम्ले धोका दियौ भने कट्टा हान्दिन्छु’ बोलको गीत सार्वजनिक हुँदा गीतलाई अझै भाईरल हुने मौका मिल्यो । उनले प्रेममा धोका खाएको खबर मिडियामा हेडलाईन बन्दा खेद प्रकट गरिन् ।
मिडियाप्रती प्रश्न पनि गरिन् अनि आफुमाथी दुर्ववहार भएको कुरा लेखिदिन मिडियालाई आग्रह पनि गरिन् । तर, धोकाको खबर सार्वजनिक भएको दिन नै उनको स्वरमा रहेको धोका दियौ भने कट्टा हान्दिन्छु गीतलाई त्यहिदीन सार्वजनिक गर्दा भने खेद प्रकट गरिनन्, आफ्नै स्वरमा सो गीत रहेकोले बरु उनले एकपछि अर्को छोटो भिडियो बनाउदै प्रोमोसन गरिरहेकी छन् । समाचारले जस्तै पिंडा त यो गीतले पनि दिन्थ्यो होलानी त । अथवा बदला स्वरुप उनले यो गीत गाएकी थिइन् भन्ने बुझ्न पर्यो, त्यसैले उनको भाषामा, समाचारले जस्तो पींडा यो गीतले भएन । हेर्नुस भिडियो ।
उनी लोकप्रिय गायिका हुन् । देश बिदेशका स्टेज कार्यक्रमहरुमा उनको भ्याईनभ्याई छ । यो गीतले उनको लोकप्रियतामा अझै बल पुगेको छ । कट्टा हान्दिन्छु बोलको गीतको भिडियोमा ओबि रायमाझी र आश्मा विश्वकर्माको पावरफुल ठुम्का देख्न सकिन्छ । जस्ले गर्दा पनि भिडियो आकर्षक बनेको छ । एलिनालाई गीत गाउन गायक खेम सेन्चुरीले साथ दिएका छन् भने सेन्चुरीले नै संगीत भएको गीत नेत्र अर्यालले तयार गरेका हुन् । रामजी लामिछानेले कोरियोग्राफी तथा निर्देशन गरेको भिडियोलाई मान कृष्ण महर्जनले छायांकन गरेका हुन् ।
Discussion about this post