ज्योती मगर गीत गाउँदै उफ्रदा उफ्रदैँ स्टेज भ्वाङ, खुट्टामा चोट

इटहरी/ हुनत ज्योति मगर भन्ने बित्तिकै प्रस्तुती र उनको पहिरनले उपस्थित दर्शक तताउने भन्ने चलनचल्ती छ । यथार्थ हो पनि, उनका केही गीतहरु सुपरहिट छन् । त्यो संगै उनको नाम र उनले लगाउने पहिरन पनि । र उनलाई कार्यक्रममा बोलाउदा त्यही गीतको संगीतको सुरमा केटाहरु लट्ठै पार्ने पहिरनमा केही डबलअर्थी कुराहरु सहित दर्शकलाई उफार्दै आफू पनि बुरुक बुरुक उफ्रिन्छिन् । तर, पछिल्लो उफ्राई भने अलि चर्को परेको छ ज्योतिलाई ।

घटना गत पौष १७ देखी २० गतेसम्म इलामको माई नगरपालिका १ अवस्थित बिहिबारेमा आयोजना भएको ‘१३ कुने सिमसार महोत्सव’ को हो । त्यहाँ उनी उफ्रदा उफ्रदैँ स्टेज प्वाल पारेकी छन् । त्यही प्वालमा परेर ज्योती नराम्ररी पछारिएकि छन् । अहिले त्यो भिडियो सामाजिक संजालमा भाइरल भैरहेको छ । महोत्सव समापनको दिन उनलाई प्रस्तुतिको लागि निम्त्याएको थियो । आफ्ना फ्यानहरुलाई संगीतमा झुमाउन पुस १९ गते उनी उक्त महोत्सवमा पुगेकी थिइन् ।

दर्शकहरुको बाक्लो उपस्थिति रहेको महोत्सवको राती करिब ११ बजे स्टेजमा चढेकी ज्योती आफ्नै शैलीमा गीत र दर्शकको साथले उफ्रिदैँ थिइन् । तर उफ्रदैँ गर्दा स्टेज भ्वाङ परेर उनको देब्रे खुट्टा घुँडासम्म छिरेको भाइरल भिडियोमा देख्न सकिन्छ । त्यसपस्चात ज्योतिको आग्रहमा सुरक्षाकर्मीले उनको उद्धार गर्छन् । भ्वाङमा खुट्टा पसेपछि चोट पनि लागेको छ । आयोजकसंग ज्योती केही असन्तुष्ट भएपनी प्रस्तुती भने छाडिनन् । कमसल स्टेज भएको कारण यो घटना घटेको सहजै अनुमान लगाउन सकिन्छ । ज्योतीले सयौं स्टेजमा यस्तै जोसिलो प्रस्तुति दिइसकेकी छन् । तर, यो प्रकृतीको घटना भने उनिमाथी पहिलो हो ।