‘जारी’ तेश्रो हप्तामा, आजबाट प्रदर्शनमा थपियो यि ३ नेपाली फिल्म

इटहरी/ दयाहाङ राई र मिरुना मगर प्रमुख भुमिकामा अभिनय रहेको फिल्म जारी यतिबेला सफल प्रदर्शन भैरहेको छ । झण्डै १२ करोड २ सातामा कमाउदै तेश्रो सातामा आफ्नो प्रदर्शन यात्रा थालनी गरेको छ । यो संगै आज शुक्रवारबाट अन्य ४ नेपाली फिल्म प्रदर्शनका लागी थपिएका छन् । ‘नाइँ नभन्नु ल-६’, प्रसाद-२’, ‘कैदीको पत्र’ । यी फिल्महरु मध्ये बर्ष २०७९ को अन्तिम फिल्मको रुपमा प्रदर्शन तयारिमा रहेको प्रसाद २ विवाद साम्य नहुदा अन्तिम अवस्थामा प्रदर्शन रोकिएको थियो ।

यता, नाइँ नभन्नु ल-६ पनि बैशाख १ गते प्रदर्शनमा आउने फिल्म थियो । तर, सेन्सर समस्या भन्दै आजलाई प्रदर्शन तोकेको थियो । यी फिल्महरुलाई अझै पनि जारी को डर छ । किनभने यो फिल्मले अझै पनि पर्याप्त शो पाईरहेको छ । सामिप्यराज तिमिल्सिना, अरुणदेव जोशी र विकासराज आचार्यले संयुक्त लेखेको फिल्म नाइँ नभन्नु ल ६ मा आँचल शर्मा, नव अभिनेता आशीर्वाद क्षेत्रीसंगै सरोज खनाल, योगिशा खत्री र एन्जल राईको प्रमुख भुमिका रहेको छ । विकासराज आचार्य निर्देशित फिल्ममा केकी अधिकारी र प्रियंका कार्की अतिथि भूमिकामा देखिनेछिन् ।

यस्तै ‘प्रसाद २’ मा विपिन कार्की, केकी अधिकारी, अर्पण थापा, महेश त्रिपाठी लगायतका कलाकारको प्रमुख भुमिकामा अभिनय रहेको छ । सुशील पौडेलको कथा तथा सुदर्शन थापाको निर्देशनमा तयार भएको ‘प्रसाद-२’ यसअघि दिनेश राउतले निर्देशन गरेको फिल्म ‘प्रसाद’को सिक्वेल हो । सनम कुमार बैरागले निर्देशन गरेको ‘कैदीको पत्र’ मा भने कुनाल विश्व र ब्रिटिश अभिनेत्री म्याडिसन लाजारस, सलिना थापा मगर, पृथ्वीराज खत्री, सुवर्ण थापा, मनिष श्रेष्ठ, सुस्मिता थापा, क्यारी डोड्स, किरण कार्की, चरण प्रधान, बिजेता श्रेष्ठ, फौस्तास तलग्का, लारेनवेस्टबरी, तपस्या शिवाकोटी लगायतका नेपाली तथा ब्रिटिश कलाकारको अभिनय रहेको छ ।