इटहरी/कलाकार हरिवंश आचार्यले चेलीबेटी बेचबिखनविरुद्ध गीत ल्याएका छन् । माइती नेपालको प्रस्तुतिमा बनेको गीतमा आचार्यकै शब्द र संगीत छ । स्वरमा उनलाई स्मिता दाहालले साथ दिएकी छिन् ।
बेरोजगारीको कारण दलालको जालमा परी धेरै धन कमाउने प्रलोभन देखाई सहर लगेर देह व्यापारमा लगाउने, यातना दिने समस्यालाई गीतमार्फत प्रस्तुत गरिएको बताए । अझ अहिले सामाजिक संजाल, देशको बिग्रिदो आवस्था, बेरोजगारीको समस्या तथा ठुला ठुला सपना पाउने आशामा यस्ता बिकृतिहरुले आफ्नो प्रकोप विस्तार गर्दै जरो गाडेको र यस्ता प्रलोभनमा पर्न नहुने संदेश यस भिडियोमा दर्शाउन खोजेको छ ।
साहस शाक्यको एरेन्ज, श्यामश्वेत रसाइलीको मिक्सिङ रहेको गीतको भिडियोमा हरिवंशसँगै कलाकार प्रियंका कार्की, कविता न्यौपाने, बालकृष्ण ओलीलगायतको अभिनय छ । गम्भीर विष्टको कन्सेप्ट र निर्देशन रहेको छ ।
Discussion about this post